Për shumë prindër mund të jetë diçka jo tepër e pëlqyer të ndajnë krevatin e tyre bashkëshortor me fëmijës, kjo jo vetëm për arsye sigurie por edhe për arsye komoditeti.
Por nëse fëmija deri tani ka fjetur në krevatin e prindërve, si duhet të veprojmë që ta bëjmë të flejë në krevatin e tij?
Kjo është një nga pyetjet më të shpeshta që prindërit i bëjnë vetes. Mos u shqetësoni, me disa truke të vogla do t’ja dilni! Këto truke do ta bëjnë fëmijën të mos ndihet i “braktisur” nga nëna edhe pse do të flejë larg saj dhe gjirit.
Si duhet të veprojmë nëse fëmija ka frikë nga errësira?
Në këtë rast mund të vendosni një dritë që lëshon pamjen e yjeve të vegjël, hënës apo formave të tjera njëkohësisht edhe qetësuese që ndriçojnë në errësirë.
Po nëse fëmija kërkon pranë aromën e nënës?
Në këtë rast do t’ju këshillonim që ju nëna të flinit për disa ditë me radhë me një arush apo batanije pranë vetes në mënyrë që ai të marrë aromën tuaj. Më pas mund ta bëni fëmijën të mësojë të flejë duke përqafuar arushi apo batanijen njësoj sikur të ishit ju.
Tashmë ju do të filloni të flini të përqafuar me bashkëshortin tuaj dhe fëmija juaj i qetë në krevatin e tij. Gjithsesi nëse për ju është një nevojë që fëmija të flejë në krevatin tuaj, nuk duhet të nguteni për ta larguar. Mjafton që nga kjo zgjedhje jo e gabuar të ndiheni të gjithë mirë!
Lexoni dhe: Këshilla për një nënë të re, raporti me gjumin dhe çuçon
Për të lënë një koment ju duhet të jeni regjistruar Identifikohu