Depresioni tek meshkujt zvogëlon shanset e fertilitetit. Një studim i Institutit Kombëtar të Shëndetit të Fëmijës dhe Zhvillimit Njerëzor të Departamentit Amerikan të Shëndetësisë, duke shqyrtuar të dhënat nga çiftet e trajtuara për infertilitet, tregoi se depresioni mashkullor shoqërohet me norma shumë më të ulëta të shtatzanisë.
Hulumtimet e mëparshme kanë treguar se në mesin e grave që kërkojnë trajtime të fertilitetit, rreth 40% shfaqin simptoma të depresionit. Ndërsa një tjetër studim tregoi se në mesin e meshkujve që kryen trajtimet in vitro të fekondimit, pothuajse gjysma e përjetoi këtë problem. Studiuesit amerikanë kanë zbuluar kështu, se mes çifteve në të cilat burri vuan nga depresioni i rëndë, shanset për shtatzani janë 60% më të ulëta se në çiftet që burrat gëzojnë shëndet të mirë.
Depresioni, i konsideruar si çrregullimi më i shpeshtë psikiatrik, është një sëmundje në rritje: sipas Organizatës Botërore të Shëndetësisë, duke filluar nga viti 2020, do të jetë patologjia e dytë që do të prekë më shumë popullsinë pas sëmundjeve kardiovaskulare.
Në Evropë, mbi 40 milionë njerëz vuajnë nga depresioni, një në 25 vetë dhe rreth 322 milionë janë prekur në mbarë botën. Megjithëse prek kryesisht gratë, si në periudhën post-lindje, edhe depresioni mashkullor po rritet. Individët që vuajnë nga sëmundjet fizike janë 3 deri në 6 herë më të prekshëm, duke treguar periudha më të gjata sëmundjesh, sukses më të vogël terapeutik dhe kosto më të larta ekonomike.
Kërcënim global
Depresioni është shkaku kryesor i pothuajse 800,000 vdekjeve vetëvrasëse në botë çdo vit. Sipas OBSH, ajo është një kërcënim global shëndetësor ende i nënvlerësuar nga mjekët dhe pacientët. Për fat të keq, deri në 90% e të sëmurëve nuk marrin trajtim adekuat dhe 50% nuk e marrin fare.
Lexo edhe: Baballaret e sotem kalojne 3 here me shume kohe me femijet
Sorry, there are no polls available at the moment.')}
Për të lënë një koment ju duhet të jeni regjistruar Identifikohu