Ka nëna që në momentin kur ndihen keq kërkojnë ndihmë, por ka edhe nëna të cilat e kanë të vështirë ta bëjnë këtë për arsye të ndryshme, kështu që vuajnë në heshtje pasojat e depresionit paslindjes. Ky është një problem që prek një pjesë të madhe të nënave dhe shoqërohet nga stresi, humbja e fuqive, humbja e interesit, etj.
Në shumë vende të botës nënat japin dhe kërkojnë mbështetjen online (gjë që mund ta bëni edhe ju në forumin e pernenat.al), sepse shpesh në familje apo shoqëri nuk i kuptojnë, i paragjykojnë, etj. I tillë eshtë edhe rasti i bërë publik nga “Vitadamamma”, i cili i referohet një nënë që pas lindjes ka përjetuar të ashtuquajturin “Black out” në mendje. Nëna ka kërkuar online ndihmë në lidhje me depresionin nëpërmjet një profili fallco. Adresa është fshirë pas disa ditësh nga postimi dhe nëna krahas mbështetjes që ka marrë ka dashur të japë edhe një mesazh duke u bërë kështu një postim viral.

“Nuk dua të tregohem e pandjeshme ndaj atyre që e kanë përjetuar një humbje të tillë, por të jem e sinqertë, si unë dhe bashkëshorti im patëm një periudhë kur mendonim se nëse bebi ynë do të vdiste në gjumë do të lehtësoheshim. 15 muaj pa gjumë, kolika, gjidhënie, të vjella, dhe dhimbja e një shtatzanie që nuk ishte e planifikuar…”
Është shprehur kështu nëna dhe komentet kanë qënë të ndryshme. Ajo që është komentuar më së shumti ka qënë fakti se shumë nëna në botë vuajnë shumë nga depresioni pas lindjes. Disa e kanë të vështirë të pranojnë fëmijët e tyre, disa qajnë pa motiv, dhe të mos harrojmë se edhe në faqen tonë të facebook përnënat.al ka ardhur para pak javesh një mesazh nga një zonjë e cila shprehte si e afërmja e saj kishte bërë vetëvrasje 6 muaj pas lindjes. Të gjitha menjëherë menduam “depresioni pas lindjes”.
Kjo duhet të na shërbejnë për të mësuar t’i qëndrojmë pranë nënave pasi kanë sjellë në jetë fëmijët e tyre, nënave që në një moment ndihen të stresuara, të kuptojmë dhe pranojmë që depresioni pas lindjes ekziston dhe madje ka pasoja tepër serioze!

Lexoni dhe: Depresioni pas lindjes, me te rrezikuara nenat kur shtatzania nuk ka qene e planifikuar 

')}