Dëmtimet e fëmijës në sy duhet të merren shumë seriozisht. Dëmtimet më të zakonshme të syrit janë futja e një trupi të huaj apo e një kimikati në sy, një përplasje që shkakton nxirjen e syrit, si edhe një prerje brenda apo pranë syrit.
Shenjat
Shenjat ndryshojnë sipas tipit të dëmtimit, por në përgjithësi mund të jenë nxirje e syrit, dhimbje, pamundësi për të hapur syrin apo spazma të qepallës. Gjithashtu fëmijës mund t’i dëmtohet shikimi, dhe nëse është dëmtuar kokërdhoku i syrit mund të ketë pak gjakrrjedhje.
Çfarë të bëni?
– Nëse fëmija ka një trup të huaj në sy, hiqeni duke përdorur anën e një shamie ose duke e shplarë syrin. Nëse trupi i huaj ka mbetur në sy, vendosni një napë dhe dhe çojeni fëmijën tek mjeku.
– Nëse syri është goditur, vendosni mbi të një napë të lagur me ujë të ftohtë për të ulur nxirjen.
– Nëse fëmijës i ka rënë një substancë kimike në sy, shpëlajeni fort syrin me ujë për rreth 15 minuta dhe më pas çojeni në urgjencë.
– Nëse fëmija ka prerë syrin, vendosni një napë të pastër mbi të dhe çojeni në urgjencë.
Lexoni edhe: Zhvillimi i shikimit te femijet
Për të lënë një koment ju duhet të jeni regjistruar Identifikohu