Degradimi i lekures se femijes, nenat duhet te tregojne kujdes!

0 0

Jo më larg se 1 javë më parë u përballa me një skenë të pakëndshme në një nga spitalet e qytetit. Duke pritur në një nga dhomat e urgjencës pediatrike, më tërheq vëmendjen një bebe shumë e vogël që me bindje të plotë mund të them se nuk ishte me tepër se 20-30 ditësh, i cili qante në mënyrë të dëshpëruar. Deri këtu çdo gjë ishte “normale” për veshët dhe sytë e mi, duke qënë se një fëmijë i vogël komunikon nëpërmjet të qarës, pikërisht nëpërmjet saj shprehet në lidhje me atë çfarë ka nevojë dhe personalisht mendova se kërkonte gjoksin e nënës së tij për të pirë apo për të qënë pranë saj. Një moment më vonë e kuptova se ai nëpërmjet asaj të qare shprehte dhimbje dhe kërkonte ndihmë. Vetëm pasi bebelina e tij u hap dhe para syve të mi u shfaq lëkura e tejskuqur dhe vende-vende e rrjepur e kuptova ose më saktë u mundova të kuptoja se çfarë ishte duke ndier ai vogëlush.

Pa dashur të kaloj në anën e një gruaje dhe nëne paragjykurese u mundova të kuptoja se nga shpejtësia nëna po vazhdonte ta pastrone feçen e tij (sapo defekoi si pasojë e një stimulimi me mikroklizëm) ndërkohë që ai qante me të madhe. Në atë moment u afrova dhe e këshillova nënën të mos vazhdonte më, dhe e ndihmova ta pastronte tek çezma e dhomës së spitalit. Fëmija në atë moment u qetësua disi dhe e këshillova atë vajzë dhe nënë të re të mos i përdorte kurrë letrat e lagura tek lëkura e fëmijës, aq më tepër tek një lëkurë aq e irrituar dhe të njëjtën gjë dua t’jua këshilloj edhe ju, mos i përdorni kurrë letrat e lagura tek vogëlushët tuaj, nuk ka asgjë më të shëndetshme se uji.

Duke qënë se eksperienca është mësuesi më i mirë, i shpreha nënës dyshimet e mia në lidhje me një infeksion fungial të mundshëm (myk), ku në këtë rast mjekimi me anti-mykotik mund të ishte i nevojshëm, gjithmonë nën aprovimin e mjekut.

Ajo që dua të përcjell sot tek ju është shumë e qartë, shkon përtej një eksperience të jetuar. Kujdes me lëkurën e fëmijës tuaj, mos e lini atë të degradojë! Ai nuk ka mundësi të shprehë se çfarë e mundon, të paktën jo me fjalë! Do t’ju këshilloja të shkonit menjëherë tek mjeku nëse në lëkurën e fëmijës tuaj shfaqet një irritim, dhe sidomos nëse shoqërohet me puçra të vogla. Ju nuk e keni idenë sa shpejt përhapet në lëkurë një infeksion mykotik, dhe çfarë shqetësimesh sjell për fëmijën. Një trajtim i hershëm do të jetë gjithmonë më i shpejtë dhe më efektiv.

Ajo që duhet të bëni në jetën e përditshme

Infeksionet mykotike shfaqen zakonisht pas një trajtimi me antibiotik, por mund të shfaqen edhe në çdo moment tjetër, për këtë arsye është e rëndësishme që skuqja të kontrollohet nga mjeku. Në rast se kjo ndodh përveç mjekimit duhet edhe një higjenë më e mirë. Uji i vakët duhet të jetë miku më i mirë i lëkurës së bebes dhe në rast irritimesh nuk duhet të përdorni sapun apo shampo edhe pasi fëmija ka defekuar.
Ajrosja e mirë është gjithashtu shumë e nevojshme, prandaj pasi e keni larë e lini fëmijën pa bebelinë duke e mbështjellë lehtë me një çarçaf fanellati apo pambuku.
Gjatë ndërrimeve të përditshme duhet të përdorni një krem me oksid zinku dhe në rast skuqje % e oksidit të zinkut duhet të jetë më e lartë (pasta Hoffman 48% oksid zinku). Lëkura e fëmijës duhet të mbahet sa më e thatë dhe e pastër!

Pra nëna të dashura, në momentin e parë që do të shikoni se diçka nuk shkon në lëkurën e fëmijës duhet të flisni me mjekun tuaj pediatër!

Lexoni edhe: Lekura e femijes, 5 keshilla per ta mbajtur te shendetshme

 

A i lejoni te tjeret te puthin femijet tuaj?

Loading ... Loading ...





Për të lënë një koment ju duhet të jeni regjistruar Identifikohu



Materiale te ngjashme

Kur ke një fëmijë në...

Nëse ti ke një fëmijë Ujor, ja cfarë duhet të dish..: UJORI (21 janar - 19 shkurt) Ky fëmijë do të jetë gjithmonë origjinal. Ai është një novator i lindur...

Emra mysliman per bebe

Tradicionalisht në komunitetin mysliman, foshnjave u vihet një emër në ditën e shtatë pas lindjes. Kuptimi i emrit është shumë i rëndësishëm. Myslimanët favorizojnë emrat që janë të virtytshëm dhe...

Qumështi i gjirit ndihmon zemrën...

Dihet prej kohësh që qumështi i gjirit është ushqimi më i mirë për të porsalindurin dhe për fëmijën deri në një vit e më tej, nëse është e mundur. Në...

Rritje e numrit të lindjeve...

Tashmë është demonstruar gjerësisht: pandemia Covid-19 ka pasur një sërë pasojash negative indirekte, përveç atyre më të njohura dhe të lidhura ngushtë me infeksionin. Midis tyre, ka gjithashtu një rritje...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X