15% e fëmijëve në botë kanë frymëmarrje të çrregullt në gjumë (SDB), duke përfshirë apnean bllokuese të gjumit (ndërprerje e frymëmarrjes) (OSA). Mirëpo 90% e këtyre fëmijëve nuk diagnostikohen, sipas një hulumtimi të fundit të publikuar në Journal of the American Osteopathic Association. Simptomat shpesh ngatërrohen me çështjet psikologjike ose emocionale.
“Fëmijët që kanë probleme të sjelljes ose dyshohet se kanë hiperaktivitet mund të jenë duke vuajtur nga një mungesë kronike e gjumit tonik,” thotë John White, DDS, bashkautor në studim.
Zhvillimi neurokonjuktiv, rigjenerimi qelizor dhe rritja e indeve dhe kockave ndodhin gjatë fazës së gjumit të thellë. Kur frymëmarrja pengohet në pjesën e sipërme, truri nuk është më në gjumë të thellë por aktivizohet për të rifilluar frymëmarrjen normale. Por, studiuesit shpjegojnë se kjo parandalon mendjen dhe trupin nga procese të rëndësishme rritjeje.
Fëmija juaj mund të ketë probleme me frymëmarrjen në gjumë nëse ka ndonjë nga shenjat e mëposhtme: gërhet, bën gjumë të parehatshëm, përgjumje e tepruar, kërcet dhëmbët, ka migrenë, urinon në krevat ose është nervoz. Nëse vini në dukje ndonjë prej këtyre simptomave studiuesit sugjerojnë që të vizitojnë një specialist.
Foshnjat që kanë probleme me gjuhën apo me marrjen e gjirit gjatë ushqyerjes me qumësht mund të jenë në rrezik për zhvillimin e sëmundjeve të frymëmarrjes, po aq sa fëmijët që kanë vonesë në të folur.
Sapo identifikohet apnea e gjumit, trajtimi zakonisht është shumë efektiv. Sfida është ta kuptoni atë sa më herët. Vitet e para të fëmijës janë shumë të rëndësishme për zhvillimin e trurit, prandaj është thelbësore që kjo gjendje të kuptohet sa më herët.
Autorët e studimit shpresojnë se kërkimet e tyre do të rrisin ndërgjegjësimin mbi këtë temë, duke çuar përfundimisht në diagnozën e duhur të frymëmarrjes së çrregullt gjatë gjumit tek fëmijët.
Lexo edhe: Çrregullimet e gjumit tek femijet
Sorry, there are no polls available at the moment.
Për të lënë një koment ju duhet të jeni regjistruar Identifikohu