40 gramë në ditë çokollatë e zezë për t’u relaksuar, ju bën të humbisni peshë dhe të qëndroni të rinj.
Kjo është ajo që deklaron Cristina Settanni, një profesore në Universitetin e Mjekësisë Natyrore Cnm Italia.
Cilësitë tek çokollata e zezë
Antioksidantët e çmuar, antidepresantët natyralë, energjia, anti kariesi dhe madje edhe përbërësit që ju mbajnë në formë të mirë trupore gjenden vetëm tek çokollata shumë e zezë, sidomos kur ajo vjen direkt nga farat e kakaos. Këto cilësi mungojnë tek çokollata e bardhë.
Falë teobrominës dhe kafeinës që përmban, kakao-ja është në gjendje të mbajë mendjen të zgjuar dhe aktive. Kjo është arsyeja pse në momentet e lodhjes mendore dhe asaj fizike tek të rriturit, neurologët rekomandojnë konsumimin e rreth 40 gramë çokollatë të zezë në ditë.
Përmirëson gjendjen shpirtërore
Për shkak të sasisë së lartë të magnezit që përmban, çokollata e zezë gjithashtu vepron si një anti-ankth, relaksues i muskujve dhe lufton ngërçet. Është shumë efektive për sindromën premenstruale dhe gjatë ciklit. Falë fenilethilamine, e cila stimulon prodhimin e serotoninës, një substancë që sjell humorin e mirë, çokollata është një anti-depresant natyral. Dhe kjo dihet prej kohësh.
Eliksir i rinisë.
Duke qenë një antioksidant i fuqishëm, për shkak të pranisë së flavonoideve, çokollata e zezë neutralizon prodhimin natyral të radikaleve të lira që lidhen me stresin dhe moshën, duke kufizuar kështu plakjen qelizore.
Djeg kaloritë
Theobromina dhe kafeina rrisin thermogenesis-in e indit dhjamor, aktivizojnë metabolizmin, duke nxitur konsumin më të madh të kalorive. Farat e kakaos janë shumë efektive për këtë qëllim. Kjo është arsyeja pse kakao gjendet në mesin e përbërësve të kremrave anti-celulitit dhe në trajtimet për dobësim.
Është një stimulues seksual
Çokollata gjithashtu “ndez” pasionin falë anandamidit, një neurotransmitor që krijon një kusht shumë psikofizik, dhe feletilaminës, një substancë që liron dopaminë dhe stimulon eksitimin dhe tërheqjen.
Antibakterial natyral
Dhe e fundit, çokollata e zezë mbron dhëmbët që të mos prishen në sajë të antibakterialeve natyrore, por vetëm nëse përqindja e kakaos e tejkalon 80%.
Lexo edhe: A mund të hamë çokollata në shtatzani?
Për të lënë një koment ju duhet të jeni regjistruar Identifikohu