Çiljeta Xhilaga prej kohësh ka bërë publik besimin e saj në fenë myslimane dhe devotshmërinë ndaj kësaj feje. Sot ajo ka treguar shumë bukur e me shumë emocion sesi ardhjen në jetë të Fernandos e konsideron si përgjgije të lutjeve që i ka drejtuar Krijuesit.

Nuk është ditëlindja e tij,  as ndonjë ditë e veçantë, por Çiljeta nuk harron ta falënderojë Zotin për Fernandon.

Postimi i plotë i Çiljetës

“Kur Duaja ime lëkundi dyert e qiejve, ALLAHU të solli ty në jetën time si përgjigje të asaj lutjeje në sexhde nate Kadri në gusht 2012. Jam me fat që të kam biri im i pikturuar me bukuri si jashtë, po ashtu edhe brenda zemrës tënde që i do gjithë njerëzit, i mbron me fanatizëm kë ke në zemër si një burrë i madh protektues, aq sa i rritur përpara kohe në personalitetin tënd, aq edhe i butë në shpirt kur të shof si të dhimbset edhe një milingonë e vogël e më thua mos e vrit se gjynah t’i japim pak bukë. Je gjithçka kam dashur në jetën time, siç të kërkova e përfytyrova. Të dua shumë ❤️ Fernando im”, – shkruan Çiljeta krahas fotos së të birit.