Qumështi artificial i posacëm për fëmijët e porsalindur ka përbërje të ndryshme për marka të ndryshme. Kjo ndodh sepse ekzistojnë disa norma ligjore që i lejojnë kompanive prodhuese të shtojnë ose pakësojnë sasinë e disa përbërësve, në mënyrë që qumështi artificial t’i afrohet sa më shumë qumështit të gjirit. Për shembull, qumështi i gjirit përmban DHA, i cili është një acid yndyror thelbësor i Omega 3. Ky acid yndyror është shumë i rëndësishëm për maturimin e retinës dhe zhvillimin e intelektit të fëmijës.

DHA nuk gjendet tek qumështi i lopës dhe jo të gjitha kompanitë prodhuese e shtojnë këtë përbërës në qumështin artificial. Disa prej tyre e ndryshojnë shpesh përbërjen e qumështit artificial që ofrojnë në mënyrë që ai t’i përshtatet më së miri ndryshimeve që pëson qumështi i gjirit. Këtë ata e bëjnë duke u bazuar në përfundimet e studimeve përkatëse që bëhen.

Në momentin që do të vendosni të ushqeni fëmijën tuaj më qumësht formulë duhet të jetë pediatri që ta vendosë kush do të jetë i duhuri. Në përgjithësi konsiderohet si qumështi më i mirë për fëmijën ai që prodhohet nga kompani e cila ka qëndra studimi në shumë vende të botës dhe që krahas qumështit numër 1 ofron edhe qumësht për nevoja të vecanta (qumështi anti-refluks, për fëmijët prematurë, anti-alergjik etj). Është e vërtetë që qumështi i disa markave kushton më shumë, por kjo është një nga treguesit e cilësisë së tij.

Lexoni dhe: Si te llogarisim sa qumesht duhet te pije femija?