Pas 9 muaj shtatzani do të jetë disi e vështirë të rikthehesh në ritmet normale të jetës por me organizmim e duhur do t’ja dilni. Dhe sigurisht edhe me sendet e duhura të cilat do t’ju vijnë shumë në ndihmë.
E keni pyetur ndonjëherë veten cili është sendi që ju vjen më tepër në ndihmë pas lindjes?
Sapo ktheheni në shtëpi me të porsalindurin do të ishte mirë të kishit gati të gjitha gjërat që do t’ju duheshin për higjenën dhe ushqyerjen e tij. Para së gjithash ju këshillojmë të keni në shtëpi një pompë gjiri, një krem për thithat, letrat e lagura pa aromë dhe të brendshme të rehatshme për veten tuaj. Më pas do t’ju nevojiten edhe biberoni fallco, ngrohësi i biberonit, sterilizuesi, bebelinat, produktet e higjenës, etj. Por ekspertët ndër të gjitha këto kanë vlerësuar një objekt si më të rëndësishmin dhe sipas tyre është jastëku i gjidhënies.
Falë këtij të fundit nënat mund të ushqejnë më mirë me gji pasi do të gjejnë pozicionin më të rehatshëm. Nga ana tjetër ato do të ndihen shumë rehat edhe për veten e tyre. Këtë e kanë pohuar edhe shumë nëna të cilat shprehen se pa të gjidhënia do të ishte edhe më e vështirë duke qënë se dhimbja fizike e nënës është e madhe.
Jastëku i gjidhënies e ndihmon nënën të gjejë pozicionin e duhur për të ushqyer fëmijën, pa e mbështetur në krah duke evituar kështu edhe dhimbjet e shpinës. Sigurisht që në vendin tonë ky objekt nuk është shumë i njohur, por nuk mund ta konsiderojmë as si të panjohur. Shpresojmë që nënat të pranojnë ta përdorin dhe të njohin përfitimet e tij.
Ky jastëk ka formën e një gjysmë hëne dhë kështu nëna mund ta mbështesë mirë fëmijën gjatë gjidhënies. Jastëku mban të gjithë peshën e bebes e cila do të rritet nga java në javë. Vogëlushi do të mësojë me kalimin e kohës cili është pozicioni i tij i preferuar dhe për pasojë nëna nuk do të vuajë gjatë ushqyerjes.
E keni përdorur këtë jastëk gjatë gjidhënies? Si jeni ndier?
Lexo edhe:
10 sendet qe mund t’i dhuroni nenes se re
')}
Për të lënë një koment ju duhet të jeni regjistruar Identifikohu