Dietat e veçanta për fëmijë nuk rekomandohen shpesh dhe prandaj duhet të përshkruhen nga një mjek. Sipas specialistëve të SIP (Shoqëria Italiane e Pediatrisë), çrregullimet funksionale të barkut nuk kanë një shkak organik dhe përfitimet e dietave të veçanta për fëmijë ose ilaçet janë në shumë raste të ngjashme me efektin placebo. Përveç kësaj, fëmijët janë në rrezik nëse i nënshtrohen dietave kufizuese siç janë dietat e pa gluten free ose të ulëta në karbohidrate.

Rreziqet për të vegjlit

Në përgjithësi, të gjitha dietat e veçanta, të cilat përjashtojnë ushqime të caktuara (të ashtuquajturat “dietat e eliminimit”), paraqesin rreziqe për fëmijët, sepse ato mund të komprometojnë gjendjen ushqyese ose balancën psikofizike. Prandaj, është e rëndësishme që, kur janë të domosdoshme, të vendosen dhe planifikohen nga mjeku, i cili duhet të monitorojë rezultatet dhe të vlerësojë përmirësimin bazuar në parametrat objektivë.

Gluten po apo jo?

Dieta pa gluten, për shembull, duhet të rekomandohet vetëm në rastin e një diagnoze klinike të sëmundjes së celiakisë ose alergjisë së grurit. Në shumë raste, megjithatë ajo përdoret edhe për arsye të tjera dhe efektiviteti i kësaj diete është i dobët dhe mbi të gjitha jo pa rreziqe. Në fakt, produktet pa gluten mund të kenë një përmbajtje më të ulët mikronutriente (hekur, zink, magnez) dhe fibra dhe më shumë yndyrë. Asnjë efekt nuk është demonstruar të ketë aftësinë për të humbur peshë.

Pak karbohidrate

Duke folur për dietat e veçanta, dieta Fodmap zhvilluar nga hulumtuesit australianë bazohet në një reduktim ose eliminim të ushqimeve që përmbajnë karbohidrate, e karakterizuar nga rezistencë e lartë ndaj tretjes, një nivel i ulët absorbimi në traktin e zorrëve dhe fermentimin e gjatë në zorrë, si dhe favorizon fryrjen e barkut dhe sindromën e zorrëve të irrituara. Megjithatë, efikasiteti i dietave të veçanta tek fëmijët është ende i paqartë: nevojiten studime të mëtejshme. Për më tepër këto dieta, nëse nuk ndiqen në mënyrë korrekte, mund të ndryshojnë florën e zorrëve bakteriale, duke reduktuar bakteret e mira.

Lexo edhe: Si ndikon ushqyerja në cilësinë e gjumit të fëmijës?