Konstipacioni (kapsllëku) është një problem shumë i shpeshtë në shtatzani dhe mund të fillojë nga trimestri i parë. Por çfarë e shkakton atë dhe cila është mënyra më e mirë për ta luftuar?
Shkaqet e kapsllëkut në shtatzani
Mund të themi se edhe në këtë rast një nga shkaktarët primarë konsiderohen hormone dhe veçanërisht rritja e nivelit të progresteronit i cili nga njëra anë ka detyrë të mbajë nën kontroll kontraksionet uterine dhe njëkohësisht redukton lëvizjet e zorrëve duke bërë që zbrazja e tyre të jetë më e ngadaltë dhe e rrallë. Me kalimin e javëve fillon të fryhet edhe barku, gjë që e vështirëson daljen e feçeve, pra konsipacioni do të jetë edhe më i theksuar gjatë muajve të fundit.
Dalja e hemorroideve favorizohet nga konsipacioni
Ja si ta luftoni atë! Sipas Organizatës Botërore të Shëndetësisë…
- Gjëja e parë që duhet të bëni është të pini shumë lëngje. Nëse nuk pini ujë feçet do të dalin më me vështirësi. Rekomandohet të pini 2-2.5 lt.
- Konsumoni ushqime që përmbajnë shumë fibra të cilat ndodhen tek perimet e gjalla ose të gatuara, frutat, frutat e thata, bishtajoret si edhe drithërat integrale. Shpesh zgjdhja qëndron pikërisht tek ushqimi.
- Veprimtaria fizike do të jetë gjithashtu një faktor që do të ndikojë pozitivisht. Edhe një ecje prej 30 minutash në ditë do të jetë në favorin e zgjidhjes së problemit.
Konstipacioni tashmë është shfaqur
Nëse këto këshilla nuk ju ndihmuan, mund të flisni me mjekun për t’ju përshkruar një medikament laksativ.
Lexoni edhe: Vuani nga konstipacioni? Pini caj
Për të lënë një koment ju duhet të jeni regjistruar Identifikohu