Gjyshërit janë ata për të cilët fëmijët ruajnë një dashuri të madhe, kujtime të bukura përgjatë gjithë jetës, dëshirën e madhe për të kaluar një kohë të gjatë dhe nga ana tjetër nipërit janë dashuria më e madhe e gjyshërve. E madje kam dëgjuar shpesh gjyshër teksa thonë se nipërit dhe mbesat duhen edhe më shumë se vetë fëmijët!

Por ku gabojnë ata dy të moshuar aq të dashur për fëmijën?

• Fillojnë të ndihen superiorë ndaj fëmijës duke filluar që në shtatzani. Nëse ju jeni një gjyshe apo gjysh dhe doni të tregoni eksperiencën tuaj, mund ta bëni në mënyrë më tepër të moderuar, ndoshta edhe në formë historie për tu argëtuar.
• Pas lindjes zakonisht gjyshërit shkojnë në shtëpinë e të porsalindurit pa lajmëruar. Edhe pse jeni shumë të dashur për ta do të ishte mirë ta bënit pasi nëna e re dhe fëmija kanë nevojë të pushojnë dhe ndoshta nuk është moment i duhur. Është çështje respekti ndaj nuses dhe jo mungesë edukate në drejtimin tuaj.
• Kritikoni shpesh. Nëse nuk ju duket e përshtatshme mënyra si prindërit po veprojnë me fëmijët në çdo situatë, do të ishte mirë të sygjeronit në mënyrë të butë dhe të sjellshme mendimin tuaj, por pa e kthyer në sulm ndaj zgjedhjes së tyre.
• Shpesh gjyshërit marrin detyra të ekzagjeruara në drejtim të edukimit të fëmijës. Ju sigurisht jeni të rëndësishëm, por nuk duhet të merrni përsipër përgjegjësinë kryesore në lidhje me edukimin e fëmijës.
• I thyeni disa rregulla, duke ulur në sy të fëmijës reputacionin e prindërve. Ju mund të llastoni fëmijën, por jo ta bëni atë të pandërgjegjshëm në lidhje me respektimin e rregullave.
• Silleni si prindër. Gjyshërit janë gjyshër dhe për këtë arsye nuk keni pse ta komplikoni marrëdhënien tuaj me kompetenca që nuk ju përkasin.
• Prisni që gjithmonë të jenë prindërit e fëmijës që t’ju ftojnë për vizitë apo t’ju marrin në tel. Edhe nëse nuk e bëjnë ata mund ta bëni ju pasi mund të ndodhë të jenë të zënë me diçka.
• E trajtoni ashpër dadon dhe kritikoni shpesh edukatoren. Diskutimet me edukatoren i takojnë prindërve dhe nëse ka vërtet diçka që ju shqetëson mund të flisni me nënën dhe t’ja transmetoni dyshimet apo shqetësimet që keni.

 

Lexoni dhe :Femijet dhe gjysherit

')}