Gjithë marrëdhënia që ne ndërtojmë me fëmijët, mënyra si flasim, si reagojmë, kontakti fizik, qëndrimet që mbajmë e çdo element tjetër i komunikimit me ta, ka ndikim të jashtëzakonshëm.
Gjithçka që ne bëjmë, lë gjurmë tek fëmijët, jo vetëm në një kohë afatshkurtër në momentin që flasim dhe në situatën aktuale, por gjithashtu në formimin e përgjithshëm emocional të fëmijës.
Jo gjithmonë ndodh që reagimi ynë ndaj sjelljeve të gabuara të fëmijës të jetë i duhuri, apo sipas këshillave që lexojmë në libra e na thonë psikologët. Të gjithë e dimë që ngarkesa ditore, mosbindja e fëmijës, rebelimi i tyre, mund të na shkaktojë edhe të bërtitura, pa menduar gjatë se çfarë efekti ka kjo tek fëmija.
Ndikimi afatshkurtër dhe afatgjatë dhe efekti që të bërtiturat kanë tek fëmija, është shpjeguar i detajuar nga psikologia Lorela Garuli më poshtë:
Çfarë ndodh tek fëmijët kur i bërtasim?
Aktivizohet një emocion i fortë frike, që mund ta “mpijë” nga ana emocionale.
Do të mendojë që mënyra më e mirë për të komunikuar është të ngresh zërin.
Fillon të ndihet i pasigurt.
I ulet besimi kundrejt të rriturit me të cilin ka të bëjë.
Bllokohet procesi i mësimit/zhvillimit.
Në të ardhmen mund të përdorë të njëjtën sjellje.
Krijon vetëimazh negativ.
Lexo edhe: 10 arsye se perse eshte e gabuar ti bertasesh nje femije, lexojini!!!
Për të lënë një koment ju duhet të jeni regjistruar Identifikohu