Le të shohim se çfarë ndodh nëse filloni t’i jepni përparësi gjumit:

• Do të mësoni gjëra të reja më shpejt. Nëse bëni gjumë mjaftueshëm, kjo do t’ju sjellë efekt pasi mund të përqendroheni në aftësi të reja dhe të mbani mend gjëra të reja. Shkencëtarët zbuluan se ne përpunojmë informacione të reja ndërsa flemë. Me fjalë të tjera, mendja dhe trupi juaj janë më mirë në mëngjes pasi të keni bërë pushimin e duhur. Dhe kjo vlen pasi keni mësuar çdo aftësi të re, nga studimet në universitet deri tek luajtja e një sporti të ri.
• Do të jeni më të vetëdijshëm. Kur pushoni sa duhet rregullisht, përqendrimi dhe aftësitë tuaja për zgjidhjen e problemeve funksionojnë në nivelet e tyre optimale. Mund të mendoni më qartë dhe të merrni vendime më shpejt.
• Do ta keni peshën më shumë nën kontroll. Ky studim ka treguar që ndërsa jemi duke fjetur, ne gjenerojmë një hormon të quajtur leptin, që i thotë trupit tonë se jemi të ngopur dhe se nuk kemi nevojë për më shumë ushqim. Kur nuk pushojmë sa duhet, ai del jashtë ekuilibrit dhe fillojmë të kemi shumë uri për ushqim.
• Shëndeti juaj do të përmirësohet. Shkencëtarët zbuluan se nëse bëjmë mjaftueshëm gjumë, jo vetëm që do të zvogëlohet niveli jonë i stresit por do të parandalohet rreziku i marrjes së presionit të lartë të gjakut dhe kolesterolit të lartë. Mungesa e gjumit gjithashtu mund të çojë në të gjitha llojet e problemeve që lidhen me zemrën.
• Ju mund të parandaloni zhvillimin e diabetit. Hulumtimet kanë zbuluar se gjumi bën një ndryshim të madh në rregullimin e sheqerit në gjak dhe ndjeshmërinë ndaj insulinës dhe si rezultat, parandalimin e diabetit tip 2. Duket se faza “e thellë” e gjumit është veçanërisht e rëndësishme për këtë dhe nëse e shkurtoni kohën e gjumit, ka shumë gjasa që ta kaloni pa fjetur në fazën e thellë të gjumit.
• Do të shëroheni nga ftohja më shpejt. A ndiheni të përgjumur kur jeni i sëmurë? Epo, me sa duket ka një arsye për këtë. Studimet kanë vërtetuar që trupi ynë shkon në gjendje gjumi për tu rikuperuar. Kjo mënyrë e gjumit është kur sistemi ynë imunitar është më i efektshmi për të luftuar bakteret.
• Lëkura juaj do të duket më e mirë. Lëkura jonë është një tregues shumë i mirë i shëndetit dhe mirëqenies sonë të përgjithshme. Ju mund të jeni në gjendje ta maskoni, por nuk mund ta ndryshoni me të vërtetë. Lëkura jonë është organi ynë më i madh dhe merr ekspozim të vazhdueshëm ndaj motit, dritës UV, pluhurit dhe diellit, dhe kur flemë, lëkura jonë riparohet vetë.
• Do të jeni një shofer më i mirë. Të gjithë i kemi dhënë makinës, të paktën një herë, ndërsa jemi shumë të lodhur. Dhe, ndërsa shpesh duket se nuk kemi zgjedhje, duhet të fillojmë ta bëjmë këtë zgjedhje një përparësi. Ky studim tregoi se drejtuesit të cilëve u mungonte gjumi i mjaftueshëm, o jepnin makinës si shoferët që konsumonin alkool.
• Bilanci juaj i përgjithshëm do të përmirësohet. Kur flini mjaftueshëm, koordinimi dhe ekuilibri juaj bëhet më i mirë, duke ju parandaluar nga të gjitha llojet e dëmtimeve fizike dhe aksidenteve.

Lexo edhe: Pagjumësia është e trashëguar nga nëna dhe babai