Rreth 18 muaj më parë lindi ideja e ngritjes të një portali në Shqipëri i cili do të ishte në shërbim të plotë të nënave, zonjave, vajzave e madje edhe baballarëve shqiptarë si një pjesë e rëndësishme e rritjes dhe edukimit të fëmijës. Që të gjithë të ndihen të përfshirë në familje dhe mbi të gjitha ata persona që do të kishin nevojë për një informacion ta merrnin në çdo kohë, dhe mbi të gjitha të kuptonin sa vlerë kishte fëmija duke mëshuar fort mbi të qënit kundër abortit selektiv. Kështu u projektua dhe pas një pune disa mujore nga ana e stafit Pernenat.al, ai u hodh online, pra tashmë nga data 1 qershor 2016 ai është në dispozicion së të gjithëve.
Sot në portal janë të disponueshme për të gjithë lexuesit, femra apo meshkuj qofshin plot 2 508 artikuj të zhvilluar duke u bazuar në studimet e fundit të bëra nga ekspertë me famë botërore, janë përkthyer histori të cilat prindërit me qëllim informues kanë preferuar ti bëjnë virale, janë punuar edhe artikuj specifikë të nga vetë stafi i pernenat.al, janë marrë informacione të ndryshme edhe nëpërmjet seminareve online të zhvilluara me mjekë të huaj siç është edhe ai i zhvilluar me kompaninë spanjolle të laktacionit  iLactacion etj.
Në çdo kohë stafi ynë mundohet të vijë në ndihmë të nënave jo vetëm nëpërmjet publikimit të artikujve, por edhe nëpërmjet publikimit të mesazheve që vijnë çdo ditë në kutinë tonë të mesazheve. Falë përpjekjes sonë për të bërë një punë sa më të mirë, sot në portal kemi rreth 1 737 përdorues të regjistruar dhe  39000 ndjekës të faqes. Megjithatë, edhe pse përpiqemi të bëjmë më të mirën, ndonjëherë mund të ndodhë që nuk arrijmë të përcjellim diçka ashtu si lexuesi e do, ndoshta dikush mund të ketë diçka që nuk i pëlqen ose edhe nëse gjithçka është në rrugën e duhur, ne si staf mendojmë se është e rëndësishme të marrim mendimin tuaj në lidhje me punën tonë.
Duke qënë kështu, ditën e enjte në Koha të bisedojmë, kemi menduar të zhvillojmë bashkëbisedimin duke u bazuar pikërisht tekj sygjerimet, kritikat, vlerat që ju mendoni se përcjell portali, kështu ecuria do të jetë edhe më e mirë. Vlerësimet janë të shumta, po ashtu edhe kritikat, ne e kuptojmë dhe mbështesim faktin se asgjë në botë nuk mund të jetë absolute pozitive apo absolute negative.

Cili është mendimi i nënave në lidhje me portalin Pernenat.al?
Nënat mendojnë se ne po bëjmë punën e duhur!

• Jeni i vetmi portal që na përgjigjeni në çdo kohë. Suksese në punën tuaj!
• Ju uroj shumë suksese në punën tuaj dhe portalin tuaj interesant.
• Ju faleminderit shumë që na ndihmoni! Jeni shumë të mirë!
• Ju falenderoj pafund pasi më keni ndihmuar shumë gjatë shtatzanisë, por edhe tani pas lindjes.
• Faleminderit. Më pëlqen jashtë mase faqja juaj. Na ndihmoni shumë.
• Per nenat, gjithmonë të gatshëm për të postuar në moment mesazhet e mia. Faleminderit.

Janë këto disa nga mendimet e nënave që kanë shprehur nëpërmjet komenteve në bashkëbisedimin e ditës të enjte, si edhe ne kutinë tonë të mesazheve. Megjithatë duhet të themi se ka edhe nëna të cilat mendojnë se ne duhet të ndryshojmë disa gjëra, duhet të shtojmë diçka.

Disa nëna mendojnë se ka vend për përmirësime…

• Mendoj se duhet të trajtoni më tepër artikuj në lidhje me zhvillimin e fëmijëve prematurë. Në lidhje me këtë, menjëherë pas marrjes së këshillës, stafi jonë u vu në dispozicion për të punuar në lidhje me zhvillimin e fëmijëve prematurë, si edhe mënyrën si nënat duhet të llogarisin se cilës moshë i përket zhvillimi i fëmijës  të saj.
• Pse i fshini komentet tona mbi të vërtetat e shkencës? Doni të bëni shpëlarje truri? Ashtu siç e shpjeguam edhe në fillim të këtij artikulli, qëllimi jonë është krejt tjetër dhe të gjithë artikujt tonë bazohen pikërisht mbi faktet shkencore. Të vetmet komente që eleminohen nga faqja jonë janë ato me përmbajtje fyese dhe këtë do të vazhdojmë ta bëjmë gjithmonë. Shpresojmë që edhe ju të jeni të kënaqura me këtë në mënyrë bisedat të jenë sa më të këndshme.

Duhet të dini se ne jemi gjithmonë të hapur për të pranuar kritikat dhe sygjerimet tuaja, po aq të hapur për të pranuar edhe vlerësimet pasi na motivojnë edhe më tepër. Sigurisht puna jonë do të vazhdojë të jetë e tillë që tju vijë sa më shumë në ndihmë edhe nëpërmjet artikujve të personalizuar. Mjafton të na bëni një kërkesë në kutinë tonë të mesazheve.
Bashkë nuk do të rrisim vetëm fëmijë, por edhe prindër të suksesshëm!

 

')}