Laringomalacia është një zbutje e lindur e indeve të laringut ndërmjet kordave vokale. Kjo është një prej arsyeve më të shpeshta të zhurmës në frymëmarrjen e bebeve. Ky nuk është një problem serioz dhe mund të rregullohet më anën e një ndërhyrje në muajin 18-20 të jetës. Megjithatë në disa raste bebet me laringomalaci mund të paraqesin probleme në frymëmarrje, ushqyerje si edhe marrjen në peshë.
Kur duhet të shkojmë urgjent tek mjeku?
• Nëse frymëmarrja ndalon për më tepër se 10 sekonda;
• Fëmija bëhet blu përreth buzëve ndërsa bën zhurmë në frymëmarrje etj.
Cilat janë simptomat?
Nëse fëmija do ta ketë të lindur këtë problem, shenjat do të jenë të dukshme që në lindje dhe do të bëhen më të dukshme me kalimin e javëve.
Simptomat e tjera janë:
• Frymëmarrje me zhurmë e cila theksohet edhe më shumë kur fëmija acarohet, qan, ushqehet, apo fle në shpinë;
• Ka vështirësi në të fjeturin gjumë;
• Nuk merr shumë peshë;
• Mbytet ndërsa ha ushqim;
• Vuan nga apnea (mbajtja e frymëmarrjes në gjumë);
• Tërheq nga brenda qafën dhe kraharorin sa herë merr frymë;
• Merr ngjyrë blu;
• Ka episode të shpeshta refluksi;
• I futet ushqimi në mushkëri.
Trajtimi
Në rreth 90% e rasteve laringomalacia zhduket pa pasur nevojën e një trajtimi të veçantë deri në muajin 18-20. Nëse kjo nuk ndodh duhet të kryhet ndërhyrja, e cila do të largojë ndjeshëm simptomat e fëmijës.

Lexoni edhe: Bllokimi i frymemarrjes te femijet