Shumë nëna shprehen se fëmija i tyre qëndron me shumë vështirësi në krah dhe gjatë gjidhënies e harkos shpinën nga mbrapa, ka vështirësi të qetësohet dhe të pranojë përkëdheljet që nëna i jep, të paktën jo deri në momentin që fëmija ushqehet në një dhomë të qetë. Irritimi i fëmijës shpesh konsiderohet nga nëna si një pjesë e karakterit dhe nuk mendohet se pas kësaj sjellje fshihet një problem i vërtetë neurologjik dhe konkretisht për hipertoninë asiale e cila është një patologji e karakterizuar nga një tonifikim më i lartë se normalja i muskujve e shkaktuar nga një maturim jo i mirë i sistemit nervor të fëmijës.
Hipertonia, si ta njohim?
Bebet me hipertoni shfaqin disa simptoma të veçanta të cilat e ndihmojnë nënën ta njohë atë. Gjithçka fillon me një thithje jo të mirë, fëmija mund të thithë më shumë se 12 herë në ditë duke shfaqur vështirësi në qëndrimin e gjatë në gji. Shpesh fëmija mund të tendosë këmbët dhe të harkojë shpinën dhe kokën duke u shkëputur nga trupi i nënës. Ai gjithashtu mund të shfaqë edhe një numër shumë të madh episodesh refluksi të cilat shkaktohen nga ndjeshmëria më e madhe e gojës, fëmija mund të ketë më shumë gazra intestinale. Një shenjë tjetër e rëndësishme është edhe zhvillimi më i madh krahasuar me fëmijët e të njëjtës moshë, duke theksuar këtu aftësinë për të ngritur kokën në javën e parë ose të dytë pas lindjes, si edhe rrotullimin në shpinë që në muajin e parë të jetës. Ai mund gjithashtu edhe të kafshojë gjirin me xhinxhiva gjatë thithjes.
Si trajtohet?
Me anën e disa trajtimeve specifike ju mund të rregulloni proçesin e gjidhënies si edhe lehtësoni simptomat deri në momentin që shqetësimi do të zhduket plotësisht. Ju duhet ta përkundi me qetësi fëmijën para gjidhënies në mënyrë që të ulet tendosja e muskujve dhe thithja të jetë më e mirë. Gjidhënia duhet të bëhet duke qëndruar në pozicion anësor duke e mbështetur fëmijën në një sipërfaqe të qëndrueshme në mënyrë që t’i mundësoni një mbështetje uniforme. Duhet gjithashtu të bëni edhe ushtrimin e gjuhës së fëmijës duke futur fillimisht në gojën e tij gishtin tuaj dhe duke ushtruar njëfarë presioni mbi gjuhën e tij në mënyrë që të harkoset. Këtë ushtrim duhet ta përsërisni disa herë në ditë në mënyrë që të largohet tendosja e gjuhës.

Lexoni edhe: Pozicionet me te mira per te ushqyer me gji