Rrjedhjet e gjakut gjatë shtatëzanisë mund të jenë frekuente gjatë trimestrit të parë dhe kjo mund të jetë shumë normale, e kundërta ndodh nëse ato shfaqen gjatë trimestrit të dytë.

Çfarë duhet të dimë në lidhje me gjakderdhjen vaginale?

• Përdorini gjithmonë një pecetë ditore (lines) në mënyrë që të kontrolloni më mirë gjakderdhjen (pamjen dhe sasinë);
• Nuk duhet të përdorni tampon përthithës apo të kryeni marrëdhënie seksuale;
• Bëni një kontroll tek mjeku.

Përse mund të shfaqet gjakderdhja?

Në gjysmën e parë të shtatëzanisë:

• Mund të jetë shenja e një aborti spontan, por ndonjëherë aborti mund të ndodhë edhe nëse nuk ka gjakderdhje.
• Gjithashtu gjakderdhja në këtë periudhë mund të shkaktohet nga vendosja e embrionit jashtë mureve të mitrës (shtatëzani jashtë mitre), apo si pasojë e një shtatëzanie molare.

Në gjysmën e dytë të shtatëzanisë:

• Në këtë periudhë si shkaktar kryesor mund të konsiderohet acarimi i qafës së mitrës. Në këtë rast mund të jetë në rrezik shëndeti i gruas dhe fetusit për këtë arsye është shumë e rëndësishme kryerja e vizitës mjekësore.
• Gjithashtu si shkaktar mund të jetë edhe shkëputja e placentës para lindjes;
• Shkak gjithashtu mund të bëhet edhe plaçenta previa;
• Fillimi i proçesit të lindjes (lindje prematurë) etj.