Ardhja në jetë e një fëmije rrit nivelet e hormonit të oksitocinës tek mashkulli dhe tek femra, duke pasur tepër efekte pozitive kryesisht në krijimin e një marrëdhënie tepër të mirë midis prindërve, përfshirë këtu edhe babait me beben e sapo ardhur në jetë. Është pikërisht oksitocina që e bën atë të jetë një baba i përkushtuar. Por studimet duket se nuk e lidhin këtë hormon vetëm me efektet pozitive.
Si ndikon oksitocina në marrëdhënien në çift?
“Oksitocina nuk është hormoni i dashurisë”, shprehet Larry Young, profesor në Universitetin Emory Nruroscience, teori e cila pohoet edhe nga psikologu klinik Adam Guastella, i cili e lidh veprimin negativ të këtij hormoni pikërisht me përqëndrimin që prindërit e rinj kanë tashmë në lidhjen e tyre. Sipas tij kur një çift ka një marrëdhënie të konsoliduar në të vërtetë nuk ekziston një problem real, por nëse marrëdhënia para lindjes ka qënë e tensionuar, rritja e hormoneve do të bëjë që të shtohet edhe më tepër tensioni.
Sipas studimeve, nëna mund të bëhet më tepër agresive ndaj të huajve, por oksitocina vepron edhe tek babai i cili ka tendencën të krijojë një marëdhënie të largët dhe jo shumë të gjallë me nënën e fëmijës.
Përse ndodh kjo?
Sepse si pasojë e rritjes së oksitocinës, babai mund të fillojë të ketë reagime negative në lidhje me personat që e rrethojnë, duke interpretuar shpesh edhe në mënyrë negative informacionin shoqëror, pra në mënyrë armiqësore. Sipas Guastella, nëse babai dhe nëna nuk kanë një marrëdhënie të mirë dhe nuk vlerësojnë komunikimin edhe para se të vijë në jetë një fëmjë, ndryshimi hormonal mund të ketë rezultate dramatike në marrëdhënien personale.