Pneumonia është një kategori e infeksioneve të mushkërive. Kjo ndodh kur viruset, bakteret ose myku shkaktojnë inflamacion dhe infeksion në alveolet në mushkëri. Personat e prekur nga bronkopneumonia mund të kenë probleme me frymëmarrjen, sepse rrugët e frymëmarrjes së tyre ngushtohen. Për shkak të inflamacionit, mushkëritë mund të mos kenë mjaftueshëm ajër. Simptomat e bronkopneumonisë mund të jenë të lehta ose të rënda.
Simptomat
Simptomat e bronkopneumonisë janë të ngjashme me simptomat e gripit, të cilat nëse kalojnë disa ditë fillojnë të rëndohen. Simptomat kryesore të bronkopneunomisë përfshijnë:
- ethe;
- kollë me mukus;
- dhimbje gjoksi;
- frymëmarrje e shpejtë;
- djersitje;
- të dridhura;
- dhimbje koke;
- dhimbje muskujsh;
- lodhje;
- konfuzion në sjellje, sidomos te njerëzit e moshuar.
Simptomat mund të jenë edhe më serioze tek njerëzit me sistem imunitar të dobët ose që vuajnë nga sëmundje të tjera.
Simptomat te fëmijët
Në rasti ne fëmijëve, simpomat janë ndryshe nga të rriturit. Kollitja është ajo më e zakonshmja, por shenja të tjera janë:
- rrahje të shpejta zemre;
- nivele të ulëta të oksigjenit në gjak;
- nervozizëm;
- ulje e interesit për t’u ushqyer, ngrënë ose pirë;
- ethe;
- vështirësi për të fjetur.
Nëse ju ose fëmija juaj shfaq simptoma të pneumonisë, duhet të takoni patjetër mjekun.
Si përhapet bronkopneumonia?
Shumë raste të bronkopneumonisë shkaktohen nga bakteret. Jashtë trupit, bakteret janë ngjitëse dhe mund të përhapen mes njerëzve përmes teshtimës dhe kollitjes.
Cilët janë faktorët e rrezikut për zhvillimin e bronkopneumonisë?
Mosha: Njerëzit të cilët janë 65 vjeç ose më të vjetër dhe fëmijët që janë 2 ose më të vegjël kanë rrezik më të lartë për zhvillimin e bronkopneumonisë dhe komplikimeve të saj.
Mjedisi: Njerëzit që kanë kontakte me objekte spitalore ose me njerëz të moshuar kanë rrezik më të lartë të preken nga bronkopneumonia.
Stili i jetesës: Duhanpirja, mënyra jo e duhur e ushqyerjes, konsumi i alkoolit rrisin gjithashtu rrezikun.
Gjendja shëndetësore: Nëse keni probleme të tjera mjekësore, ju jeni më të pritur të prekeni nga bronkopneumonia.
Sëmundje kronike të mushkërive, të tilla si astma.
HIV / AIDS
Sistemi imunitar i dobët për shkak të kimioterapisë ose përdorimit të shumë ilaçeve.
Sëmundje kronike, të tilla si sëmundjet e zemrës ose diabeti.
Sëmundje autoimune, të tilla si artriti reumatoid ose lupusi.
Kanceri.
Kollë kronike.
Ventilatori (ajrosja).
Si ta trajtoni bronkopneumoninë?
Opsionet e trajtimit për bronkopneumoni përfshijnë edhe trajtimin në shtëpi edhe ato të rekomanduara nga mjeku me recetë.
Kujdesi në shtëpi
Bronkopneumonia virale normalisht nuk kërkon trajtim mjekësor nëse nuk është e rëndë. Zakonisht përmirësohet vetë brenda dy javësh.
Shkaqet bakteriale të bronkopneumonisë mund të kërkojnë medikamente.
Trajtimi mjekësor
Mjeku juaj do të përshkruajë antibiotikë nëse një bakter është shkaku i pneumonisë suaj. 3-5 ditë pas fillimit të antibiotikëve ju do të filloni të ndiheni më mirë, megjithatë, duhet ta përfundoni të gjithë kurën.
Në rastet e një infeksioni viral si gripi, mjeku juaj mund të përshkruajë antivirale për të ndihmuar në zvogëlimin e kohëzgjatjes së sëmundjes dhe përkeqësimin e simptomave.
Kujdesi spitalor
Ju do të keni nevojë patjetër për trajtim mjekësor nëse:
- jeni mbi moshën 65 vjeç;
- keni vështirësi në frymëmarrje;
- keni dhimbje gjoksi;
- keni frymëmarrje të shpejtë;
- keni presion të ulët të gjakut;
- tregoni shenja konfuzioni;
- keni nevojë për ndihmë për frymëmarrje;
- keni sëmundje kronike të mushkërive.
Lexo edhe: 5 ushqimet qe ju ndihmojne te permiresoni frymemarrjen tuaj
Për të lënë një koment ju duhet të jeni regjistruar Identifikohu