Gazetari Blendi Fevziu është baba i dy vajzave të cilat kanë diferencë të madhe moshe, pasi e vogla ka lindur vetëm katër vite më parë, ndërsa e madhja është 19 vjeç.
Ditën e djeshme Fevziu ka folur për të bijat në emisionin “Rudina” ku ka qenë i ftuar.
Ndër të tjera ai ka treguar se si vajza e vogël Alis, u quajt me këtë emër.
Fevziu ka thënë se në fakt emrin e të bijës e kanë vendosur portalet. Edhe pse duket e çuditshme është e vërtetë!
“Kur do vinim emrin e vajzës së vogël, unë isha për këtë që ka, Inesi ishte e dyzuar, Mishel kishte alternativat e saj. Kur po shkoja me Mishel në maternitet ditën që vajza lindi, e pyeta ‘ç’do bëjmë për emrin?’ Duke folur, një moment ajo më thotë: “Eee, thuaj ç’të duash ti, po emri ka dalë nëpër portale. Epo në rregull atëhere, nuk po e ndryshojmë, i thashë. Siç duket unë e kisha diskutuar me dikë emrin Alis dhe e kishte zbuluar”, – ka rrëfyer Blendi.
Për të lënë një koment ju duhet të jeni regjistruar Identifikohu