Lidhja mes motrave është e veçantë, por Jill Noe dhe Whitney Bliesner kanë një lidhje unike që shkon përtej thjesht të qenit motra. Si binjake, Jill dhe Whitney kanë ndarë shumë histori e ngjarje gjatë gjithë jetës së tyre, dhe kur Jill u bë surrogatja e Whitney-it, ato madje ndanë edhe shtatëzaninë.
Whitney ka një sëmundje të rrallë të quajtur NF2 (Neurofibromatozë tipi 2). Për shkak të NF2 ajo humbi shikimin në syrin e majtë dhe dëgjimin në veshin e saj të djathtë, si dhe pjesërisht në veshin e majtë.
Gjendja e saj e bën shtatzëninë të rrezikshme dhe sëmundja është e trashëgueshme. Whitney dhe burri i saj, Pete, dëshironin të krijonin një familje, por kostoja e adoptimit dhe mundësisë surrogat dukej sikur po ua hiqnin mundësitë e prindërimit. Derisa Jill u bë surrogatja e tyre.
“Kur Jill tha se donte të mbante një fëmijë për mua, u shokova”, tha Whitney. “Unë nuk jam qaramane, por me të vërtetë u emocionova.”
Nëpërmjet IVF ajo mbajti vezët e pllenuara me spermatozoidin e Petit për të bërë familjen e motrës së saj binjake, dhe më 7 qershor Jill lindi djalin dhe vajzën e Whitney dhe Pete, Rhett dhe Rhenley.
“Ajo gjithmonë ka dashur të bëhet nënë dhe sëmundja e saj tashmë i ka marrë shumë nga vetja. Unë nuk do ta lejoj (NF2) t’i marrë edhe këtë mundësi motrës sime”,- tha Jill . “Ajo është shoqja ime më e mirë dhe unë e di se ajo do të kishte bërë të njëjtën gjë për mua”.
Jill është një motër e mrekullueshme, dhe Whitney është tashmë një nënë e mahnitshme.
Për të lënë një koment ju duhet të jeni regjistruar Identifikohu