Sa herë është e pranishme moderatorja Bieta Sulo në studio televzive, në rolin e të ftuarës, ka gjithmonë shumë interes për marrëdhëniet e saj familjare, përtej karrierës dhe asaj që shohim çdo ditë në ekran.
Një pjesë shumë të rëndësishme në jetën e saj përtej kamerave, në përditshmëri, në festa, në pushime zë edhe Joelle, vajza e Albanit nga martesa e tij e mëparshme.
Mbrëmjen e djeshme, Bieta Sulo ishte e ftuar në emisionin “Në kurthin e Piter Pan”, ku foli edhe për raportet me Joelle.
“Albani ka edhe një vajzë të madhe. E ke ti shoqe atë?” – e pyeti njëri nga fëmijët protagonistë.
Ajo tha se me vajzën e Albanit janë shoqe të ngushta, madje mes tyre bëhen edhe biseda “fshehur” tij.
“E kam shoqe të ngushtë. Bëjmë disa muhabete që jo të gjitha ia themi Albanit”.
Kur u pyet nëse në këto biseda shajnë Albanin, Bieta u përgjigj: “Ka edhe ndonjë kritikë nëpër të, por jo. Nuk e shajmë Albanin, sepse ai është babai më i mirë në botë”.
Në një intervistë të pak ditëve më parë në emisionin “Jashtë loje”, Bieta u përlot teksa foli për Joelle dhë mënyrën si ajo e priti lajmin e shtatzanisë së moderatores.
Për të lënë një koment ju duhet të jeni regjistruar Identifikohu