Aktori i humorit Besart Kallaku ka qenë i ftuari i mbrëmshëm në programin “Soiree”, në një intervistë ndryhse, përtej profesionit, televizionit e shoëbizit.

Ai ka shpalosur një tjetër dimension, atë njerëzor, ku kanë qenë të pranishëm si surprizë edhe persona të tjerë të familjes së tij, si gjyshja, e ëma,motra dhe në fund bashkëshortja e tij Xhensila Myrtezaj.

Ata janë prindër të një vajze dhe moderatorja e pyeti çiftin nëse Ajka ka kërkuar një motër ose një vëlla.

“Ajka do një vëlla. Çudtërisht nuk e di pse i ka lindur kjo dëshirë. Madje këto kohët e fundit na thërret “vëllai-vëllai” dhe nuk e kuptojmë. Më thotë “mami të lutem, unë jam sister, ti je vëllai” – u përgjigj Xhensila.

Por, përtej shakave të vogëlushes, a kanë aa të dy plane për një fmëijë të dytë?

“Planet janë të Zotit zakonisht”- tha menjëherë Xhensila.

“Sado që jam munduar të programoj diçka, asgjë nuk ka shkuar sipas planit”, – tha Besi duke shtuar se nëse është në planet e Zotit, ata e mirëpresin një fëmijë kurdo që të vijë.