Vaji i farave të linit ka benefite shumë të mëdha në shëndetin e flokëve dhe të lëkurës. Farat e linit mund të përdoren në kuzhinë, të “gjalla”, dhe kanë benefite si në shëndet edhe në estetikë.

Vaji i linit dhe përdorimi i tij në kozmetikë

Vaji i linit hidraton dhe i jep elasticitet lëkurës, kjo pasi përmban acid linoleik, i cili rregullon hidratimin e lëkurës. Mund të përdoret kryesisht në fytyrë, gjunët dhe bërrylat e thatë.

Si ta përdorim?

Mund ta përdorni pasi keni bërë dush duke e aplikuar në lëkurë jo tharë plotësisht. Bëni masazh derisa të absorbohet plotësisht. Ky vaj mund të bëhet zëvendësuesi i kremit tuaj të duarve, të cilat do t’i mbajë shumë të buta edhe gjatë stinës së dimrit.

Vaji i linit si pastrues tualeti

Ai është një pastrues natyral. Do të mjaftonte të hidhnit disa pika në një copë pambuk të lagur dhe më pas të pastroni fytyrën. ai eleminon të gjithë tualetin nga fytyra juaj duke bërë që lëkura edhe të hidratohet.

Vaji i linit dhe flokët

Ai ka disa benefite:

• Eleminon majat e dyfishta. Ai parandalon dhe kuron këtë problem në mënyrë natyrale, duke hidratuar edhe fibrën e flokut.
• Pas shampos. Pasi keni bërë dush mund të aplikoni tek flokët tuaj disa pika vaji për t’i bërë ato të krihen më lehtë si edhe të shndritshme dhe më të shëndetshme.
• Maskë e shkëlqyer. Do të mjaftonte të aplikonit 1-2 lugë vaj lini në flokët tuaj 30 min para larjes. Kjo do t’i dhuronte fibrave të flokut elasticitet dhe shkëlqim.
• Ndihmon për të luftuar zbokthin. Masazhoni lëkurën e kokës me disa pika vaj lini para larjes dhe më pas proçedoni si zakonisht me larjen.