Sipas “The New York Times”, shumë gra shtatzana ankohen në lidhje me dhimbjet fizike që ndiejnë apo do të ndiejnë në momentin e lindjes, dhe sipas tyre aftësia e të qënit e ndërgjegjshme, pra e të pranuarit të gjendjes në të cilën ndodhet, do ta bëjë atë më të aftë të menaxhojë këto dhimbje, ankthin apo depresionin post-partum. Sipas Larisa Duncan, frika ndaj të panjohurës e vështirëson ndjeshëm situatën.
Si u krye studimi?
Në studim u përfshinë 30 gra që ndodheshin në tremujorin e fundit të shtatzanisë, të cilat ju nënshtruan një pyetësori të zhvilluar në fillim, pas përfundimit të kursit dhe pas linjdes. Disa prej tyre kishin frikë nga dhimbjet e lindjes dhe disa të tjera nga depresioni pas lindjes. Sipas ekspertëve, nënat gabojnë duke mos qënë të ndërgjegjshme në lidhje me atë që po ndodh, pra ato nuk fokusohen tek dhimbjet dhe ajo që po ndodh në atë moment, por shqetësohen në lidhje me atë që do të ndodhë më pas.
Ndërgjegjësimi në lidhje me atë që po ndodh do ta bëjë nënën të ketë një frymëmarrje më të rregullt dhe një proces lindje me të shkurtër. Sipas New York Times, lindja do të zgjatet me 47 minuta më tepër tek nënat që shfaqin frikë nga lindja. Në lidhje me këtë do të vijë në ndihmë ndjekja e një kursi parapërgatitor, në të cilin nëna do të fitojë aftësinë e të qënit e vetëdijshme në lidhje me atë që po ndodh dhe atë që duhet të bëjë.
Sipas ekspertëve në momentin e lindjes gruaja duhet të jetë e vetëdijshme se kontraksionet o

nuk zgjasin përgjithmonë, dhe se midis tyre ajo do të ketë kohë të pushojë dhe të qetësohet. Në këtë mënyrë ajo duhet të përpiqet të menaxhojë dhimbjen duke menduar vetëm për të tashmen. Në lidhje me lehtësimin e dhimbjeve do të përdoret shpesh në momentin e lindjes edhe një apo disa kuba akulli, në mënyrë që të perceptohet njëkohësisht edhe një tjetër dhimbje fizike. Gruaja duhet te mundohet te perqendrohet shume tek frymemarrja.
Një lindje më e thjeshtë do të ndihmojë edhe në parandalimin apo lehtësismin e simptomave të depresionit post-partum.

Lexoni dhe: Dhimbjet e lindjes, ja cfare gruaja ndien ne te vertete