Në ditën më të bukur të sajën, ditëlindjen e të birit, gazetarja Fatma Haxhialiu i ka bërë atij një urim të ndjerë që mban brenda një filozofi të tërë jete. Duke dëshiruar një jetë plot buzëqeshje për të, Fatma bekon edhe çdo lot të djalit, duke e mësuar se edhe ato kaë vlerë për të na bër të kuptojmë si është të ndjesh, e për të vlerësuar pastaj më shumë grimcat e lumturisë.

Urimi i plotë i Fatmës

Nuk e mbaj mend si ishte jeta pa ty, por tashmë JETA për ne je ti.
Gjithçka në mua frymon në emrin tend, vetja ime është strukur brenda emrit tënd në çdo qelizë timen.
Bashkë me ty rritem unë, një vete e rishpikur me lindjen tënde, lidhur përjetësisht me qënien tënde.
Bekuar qofsh dritë e shpirtit tim, sot e 1000 vite ❤.
Bekuar qoftë çdo buzëqeshje e jotja si rreze drite, bekuar dhe çdo pikë loti kristal, që do të të mësojë se të ndjesh është bukur, qoftë kjo edhe dhimbje, se dhimbja na rrit shpirt, na meson, na bën më të fortë, na bën NJERËZORË.
Se pas saj, vlerëson më shumë çdo buzëqeshje e grimcë lumturie që duhet ta shtrëngosh fort që të zgjasë ca më shumë❤.
Bekuar qofsh diell i shpirtit tim, e paç zemrën aq dritëplotë, sa të ndriçojë dhe skutat më të errëta të kësaj bote.