Ajo është diva e muzikës botërore, fituese e shumë çmimeve dhe një nënë tepër e përkushtuar, por Pink nuk paska pasur në plan të bëhet nënë më parë.

Gjatë një interviste për “Today” ajo tha se ka mbetur e surprizuar nga fakti se sot i pëlqen shumë që është nënë.

“Me të vërtetë nuk doja të bëhesha nënë. Nuk doja të bëhesha mama. Nuk ishte në listën e gjërave që duhej të bëja”, është shprehur këngëtarja Pink.

Megjithatë, gjithçka ka ndryshuar kur fëmija i saj i parë, vajza Willow erdhi në jetë, gjithçka ndryshoi.“Linda Willow dhe ajo shprehja ‘të shikosh zemrën të dalë nga vendi’ mori kuptim”.

Më herët Pink ka treguar për jetën e saj si nënë e dy fëmijëve:

“Të bësh turne me fëmijët është e pamundur dhe unë bëra të pamundurën. Në një moment kishte shumë yje të tjerë që më kontaktonin, më telefononin për këshilla se si të bënin një turne bashkë me fëmijët, kështu që unë shkrova një libër për nënat e tjera. Ndonjëherë mendoj ‘A po rris një person të sjellshëm? Çfarë do të thotë të jesh fëmija im?”