Sipas një studimi gjerman lidhja e stresit të nënës me të qarën e fëmijës mund të jetë më e fortë nga sa mendohet.

Ja çfarë thotë  ky studim

Ankthi dhe stresi i nënës ndikon edhe në humorin e bebes duke i bërë të qarat e fëmijës më të shpeshta. Sipas tyre nëse nëna ka pasur ankth që në momentet e shtatëzanisë, pas lindjes fëmija do të ketë moment kur të qarat do të zgjatin deri në 2-3 orë pa pushim.

Si është kryer studimi?

Janë përfshirë në studim 300 gra shtatëzëna të cilat janë mbajtur nën vëzhgim deri në momentin e lindjes duke u kontrolluar sërish edhe në muajin e 4-t dhe 16-të. Është vënë re se nënat që kanë kaluar moment ankthi dhe stresi gjatë dhe pas shtatëzanisë e kanë pasur më të vështirë të ngushëllojnë të qarat e fëmijës.

Ja çfarë kanë shprehur nënat

Nënat që kanë kaluar ankth kanë shprehur se të qarat e fëmijës kanë qënë të shpeshta dhe gati të pangushëllueshme, të cilat kanë zgjatur për 2-3 orë në ditë, për disa ditë në javë.

Nëna! Të gjitha duhet të dini se humori i fëmijës është mjaft i lidhur me mënyrën si ju e kaloni ditën, me ndjenjat tuaja. Nëse ju do të jeni të qeta dhe të sigurta, fëmija do të ketë një zhvillim harmonik dhe të qëndrueshëm. Në ditët e sotme nëna është tepër e lodhur dhe shpesh ndihet e pasigurt, kjo pasi asaj i duhet të organizohet midis punës, fëmijës,shtëpisë etj, dhe diçka e tillë shkakton ankth, stres tek nëna si edhe humor të keq tek fëmija. Për këtë arsye ju këshillojmë që pas lindjes të kërkoni ndihmën e duhur nëse keni nevojë si edhe të evitoni kontaktet me persona që ju shkaktojë stres. Përpiquni të jeni sa më e qetë për veten tuaj dhe fëmijën tuaj të porsalindur!