Lindja e fëmijës një ngjarje që mund të sjellë shumë ndryshime në jetën e gruas. Fëmija kërkon në vazhdimësi kujdesin e saj, e cila kryesisht gjatë muajve të parë i dedikohet pa asnjë shkëputje vetëm të voglit të saj. Ky fakt, së bashku edhe me ndryshimin hormonal, mund të shkaktojnë tek nëna e re të ashtuquajturat “baby blues”.

Kush preket nga ky shqetësim?

Baby blues prek rreth 80% të nënave të reja gjatë 2-3 javëve të para pas lindjes.

Cilat janë simptomat?

Nëna mund të bëhet shumë e ndjeshme dhe të qajë shumë lehtë, ndihet shpesh në ankth dhe në gjendje depresive; ka ndjenja frike se mos nuk është në gjendje të kujdeset në mënyrën e duhur për fëmijën e saj.

Cfarë ndodh më pas?

Gjithcka fillon të normalizohet pas rreth 20 ditësh, kjo fillon të krijohet një riekuilibrim hormonal, duke bërë që nëna më pas të ndihet më e qetë. Megjithatë njihen edhe shumë raste kur nëna ndihet shumë keq edhe më pas duke përjetuar depresionin post-partum. Ky shqetësim mund të zgjatë gjatë gjithë vitit të parë të jetës së fëmijës.

Cilat janë simptomat e depresionit post-partum?

Nëna mund të ndiejë: shqetësim shumë të madh në lidhje me rritjen e fëmijës; çrregullime me gjumin; humbje oreksi; dhimbje dhe dobësi në musukujt; refuzim ose ndjenja bezdie ndaj fëmijës; nuk është në gjendje të kontrollojë frikën e të qëndruarit vetëm me fëmijën. Në një rast të tillë nëna duhet të pranojë atë që është duke ndodhur dhe të kërkojë ndihmë dhe mbështetje kryesisht nga bashkëshorti i saj. Mund të nevojitet edhe ndërhyrja e mjekut.

Artikuj te ngjashem:

https://www.pernenat.al/depresioni-post-partum/