Një burrë në Maryland është akuzuar se ka detyruar të bijën të kryejë një vjedhje. Bëhet fjalë për një pako që gjendej në oborrin e fqinjit të tyre.
Babai mohon akuzat e vjedhjes
Babai si fillim ka mohuar akuzën duke pretenduar se vajza ka shkuar ta vjedhë vetë. Megjithatë, autoritetet sërish e quajnë këtë një veprim të gabuar, pasi babai është ai që duhej ta ndalonte të bijën edhe nëse veprimi do të ishte bërë me dëshirën e saj.
Por, kamerat kanë treguar sesi vajza e vogël, e instruktuar nga i ati është afruar dalëngadalë në banesën e fqinjëve dhe ka hyrë për të marrë pakon.
Pakoja mbante një palë çizme, të cilat ishin dhuratë për festa.
“Jemi të tronditur teksa pamë një fëmijë që afrohej në shtëpinë tonë për të vjedhur”, – thonë pronarët e shtëpisë.
Ndërsa autoritetet bëjnë thirrje që në këtë periudhë festash, kur numri i vizitave dhe i dhuratave rritet ndjeshëm në qendrat e ndryshme tregtare, të bëjnë kujdes për sendet që mund të tërheqin vëmendjen e grabitësve dhe nëse vërejnë diçka të dyshimtë të lajmërojnë policinë.
Lexo edhe: I thoni jo edukimit te femijes nepermjet dhunes!
Për të lënë një koment ju duhet të jeni regjistruar Identifikohu