Rasti i abuzimit seksual me 15 vjeçaren që tërhoqi vëmendjen e mediave dhe gjithë opinionit publik, i ka hapur rrugën një sërë temash e diskutimesh që lidhen me këtë problematikë të përhapur në shoqërinë tonë.
Ditën e djeshme, në emisionin “Shqipëria live” ka qenë e ftuar moderatorja Aulona Musta, si një nga zërat më të fortë të kësaj teme, jo vetëm tani që është bërë lajmi i ditës, por në mënyrë koherente, gjithmonë ka qenë aktive me mendime e këshilla.
Ndër të tjera, Aulona përmend rëndësinë e madhe të privatësisë dhe intimitetit të trupit të fëmijës. Ajo vë theksin tek veprimi i gabuar i puthjes së organeve gjenitale, që në kulturën tonë është shumë i përhapur.
“Kjo mënyra e shëmtuar që ne kemi, që realisht për mua është pedofili ajo që bëjnë edhe prindërit vetë, por edhe gjyshet edhe gjyshërit që marrin fëmijët dhe i puthin në organet gjenitale. Mos ta harrojmë këtë detaj. Në Shqipëri është normale që vajzën dhe djalin një muajsh, dy muajsh foshnjën ti ta marrësh dhe me përkëdheli të thuash, të keqen mami, të keqen babi dhe ta puthësh në organet gjenitale, është pedofili”, u shpreh Aulona në emisionin “Shqipëra live”.
Për të lënë një koment ju duhet të jeni regjistruar Identifikohu