Ndërsa deri kohët e fundit tendenca ishte që nënës shtatzënë të mos i jepej asnjë ilaç për astmën me frikën se mund të ndikonte tek fëmija, studimet më të fundit tregojnë se mbajtja nën kontroll e astmës është thelbësore për të zvogëluar probleme të ndryshme tek fetusi që lidhen me vështirësi të sistemit të frymëmarrjes së nënës.

Nëse simptomat përkeqësohen

Siç shpjegon Francesca Giovannelli, specialiste e pneumologjisë në Itali, “në 90% të rasteve simptomat e astmës në shtatzani mbeten të njëjta ose, në disa raste, përmirësohen. Megjithatë, në 10% të mbetur, situata përkeqësohet, veçanërisht në tremujorin e dytë dhe të tretë”.

Terapia

Sidomos nëse gjatë shtatzanisë simptomat e astmës përkeqësohen “ndërhyrja ka një rëndësi thelbësore pasi astma e patrajtuar në shtatzëni mund të çojë në pasoja të ndryshme duke përfshirë lindjen e parakohshme, peshën e ulët të fëmijës pas lindjes, brishtësi më të madhe dhe mungesën e oksigjenit”, shpjegon studiuesja. Me cilat ilaçe? “Strategjia sot – përfundon Giovannelli- është që të jepen beclomethasone dhe fluticasone (ilaçe anti-inflamatore) në bashkëpunim me bronchodilators për një periudhë afatgjatë”.

Lexo edhe: Mitet për astmën që mund t’ju bëjnë keq