Jeni shtatzënë!

Jeni të mbërthyera nga ndjenja të pabesueshme.

Më pas, kur jeni adaptuar në gjendjen tuaj të re, filloni të bisedoni me miket tuaja, kolegët, miqtë tuaj që kanë fëmijë apo me mjekët, dhe pastaj kaloni në një forum, blog apo portal për nëna…

Në fund të leximit dhe grumbullimit të këshillave, atëherë kur mendoni se gjithçka është e qartë, e kuptoni se në të vërtetë asgjë nuk është e qartë dhe se gjendeni në situatë në të cilën nuk dini çka do të bëni dhe çfarë vendimi të merrni, duke filluar qjë nga gjërat më banale në lidhje me dhomën e foshnjës, rrobat për foshnjën dhe karrocën, deri tek gjërat më të rëndësishme gjatë shtatzanisë.

Keni qenë në kontrollin e parë te gjinekologu, shtatzënia është vërtetuar, ndërsa mjeku ju sugjeron preparatet e caktuara, ushtrimet, kontrollet shtesë dhe gjithashtu edhe testet.

Pas këtyre kontrolleve, për faktin se nuk keni qetësi, përsëri uleni para kompjuterit dhe filloni të kërkoni në internet gjithë atë që ua ka sugjeruar mjeku gjatë kontrollit. Më pas përsëri bisedoni me miket tuaja, kështu jeni në dyshim per gjithcka dhe në fund nuk dini kë të dëgjoni dhe si të veproni.

Një nga temat e bisedës te gjinekologu ka qenë se duhet ta bëni testin NIFTY.

A keni nevojë ju për këtë test?

NIFTY testi mund të bëhet nga secila shtatzënë, pa marrë parasysh moshën, dhe nëse gjinekologu juaj do të rekomandonte këtë test, nëse ka arsye të ndonjë dyshimi, por kjo nuk do të thotë se secila shtatzënë ka nevojë për këtë test.

Testi NIFTY parimisht është i destinuar për shtatzëna, të cilat kanë realizuar teste tjera skriningu apo ekzaminime me ultrazë ku është vërejtur një rrezik i rritur i çrregullimeve kromozomale dhe duhet realizuar diagnoza prenatale invazive si amniocenteza.

Amniocenteza, sikurse biopsia e indit korial (CVS- mostrat e kordonit), janë procedura invazive gjatë të cilave një gjilpërë futet brenda kavitetit abdominal të shtatzënës, nën përcjelljen e sondës së ultratingullit, për të marrë një mostër fertile të ujit amnional ose kordonit (vileve korionike) që përmbajnë ADN-në e foshnjës. Duke qenë invazive, këto procedura përmbajnë në vete rrezik të caktuar të disa komplikimeve, si infeksionet dhe abortet.

Një numër i madh femrash u nënshtrohen këtyre procedurave invazive pa nevojë, por kjo ‘panevojshmëri’ nuk duhet atribuar te mjekët. Ata e kanë vështirë ta përcjellin çdo shtatzani në mënyrën e duhur dhe të gjithë provojnë të marrin një foshnje të shëndetshme në fund të çdo shtatzënie. Kjo “e panevojshme” rrjedh nga limitimet reale mjekësore dhe teknologjive në përdorim.

Avancimi i teknologjisë dhe zhvillimi i testeve të reja, ua jep mundësinë një numri të madh shtatzënash, që do duhej të ndërmerrnin procedura diagnostike invazive të panevojshme, të realizojnë një test gjenetik që nuk komprometon në asnjë mënyrë as foshnjën as shtatzënën dhe jep informacione jashtëzakonisht të sakta. Është aq i saktë saqë në shumë raste procedurat diagnostike invazive mund të evitohen, edhe pse në disa raste është e nevojshme të bëhen.

Ky test gjenetik është testi NIFTY.

Testi NIFTY duhet bërë nga shtatzënat me indikacione për teste gjenetike në shtatzani. Këto janë shtatzënat që përmes ekzaminimit ultrasonografik, gjinekologu ka konstatuar prezencën e disa parametrave të caktuara me indikacione për çrregullime të mundshme kromozomale, pa marrë parasysh moshën e shtatzënës, dhe gjithashtu për shtatzënat si shembull një skrining i kombinuar ka treguar një rrezik të lartë të prezencës së çrregullimeve kromozomale. Gjithashtu, për shtatzënat mbi 34-vjeçare si dhe për ato që kanë pasur çrregullime kromozomale në shtatzënitë e mëparshme, ose në historikun familjar. Shumë shpesh, edhe për shtatzënat që kanë kryer një nga metodat e fertilizimit të asistuar, sikurse edhe shtatzënat që janë trajtuar me qelizat vezë të dhuruara. Testi NIFTY gjithashtu mund të bëhet nga shtatzënat që presin binjakë, por gjithashtu edhe për të gjitha shtatzënat që, për arsye mjekësore, nuk rekomandohet amniocenteza ose duan ta shmangin amniocentezën e panevojshme, me gjithë rreziqet e saj.

Me zhvillimin e gjenetikës moderne, teknologjitë e avancuara të sekuencimit gjenetik, sikurse edhe metodave bioinformative, ne tani mund të marrim një rezultat jashtëzakonisht të besueshëm për 6 deri 8 ditë, për të evituar rrezikun për procedurat diagnostike invazive të panevojshme – pasi çdo shtatzani është një jetë e re.

Lexoni edhe: Sa i vlefshem eshte informacioni gjenetik ne shtatzenine e hershme?