NIFTY (Test i diagnostikimit të anomalive genetike të bebit që në moshat e hershme të shtatzanisë vetëm nëpërmjet marrjes së një analize të thjeshtë gjaku nga nëna).
Pothuajse të gjithë kemi dëgjuar të flitet për NIFTY sidomos në kohët e fundit, e nëse disa nuk janë në dijeni lidhur me këtë test, sot vendosëm të sjellim opinionin e Mjekes Obsteter- Gjinekologe, Kozeta Rama e cila do të na sqarojë testin në mënyrë sa më të kuptueshme për të gjitha nënat.
NIFTY ka kohë që përdoret nëpër botë, por në Shqipëri është futur si ekzaminin rreth viteve të fundit. Më parë kryheshin ekzaminime si ekografi, triple-teste dhe double-teste, por me futjen e NIFTY-it është vënë re një saktësim në diagnostikim të anomalive genetike të bebit që në moshat e hershme.
Lidhur me këtë, Dr. Rama ka treguar një rast me të cilin është përballur personalisht, kur një nënë bëri dy ‘triple-teste’ në laboratorë të ndryshëm dhe që të dyja testet i dhanë rezultate të rrezikshmërisë së lartë.
“Shpresat e saj ishin shumë të vogla për atë shtatzani, megjithëse unë nuk shikoja ndonjë ndryshim ultrasonik (patognomik), insistova gjithsesi në testin NIFTY, edhe pse përdorimi i tij në Shqipëri ishte në fillimet e tij. Rezultati i cili erdhi ishte me rrezikshmëri të ulët. Duke pasur besim te zhvillimet e shkencës, si mjeke e sigurova pacienten që fëmija ishte i shëndetshëm, por ajo insistoi dhe në amniocintezë që kërkoi ta realizonte në një qendër tjetër te specializuar. Rezultati nga kjo e fundit u përputh plotësisht me atë të testit NIFTY”.
Por çfarë është testi NIFTY?
Mjekja gjinekologe tregon se ky test prenatal është jo-invaziv (marrje e thjeshtë gjaku nga nëna) i cili ofron mundësinë e analizës së plotë të ADN-së që rezulton me zbulimet e çrregullimeve eventuale kromozomike. Testi bazohet në ekzaminimin e fragmenteve të ADN-së ekstra celulare të fetusit që qarkullojnë në gjakun e nënës gjatë shtatzanisë, në gjak qarkullojnë edhe fragmente të ADN-së ekstra celulare të nënës por gjatë testimit bëhet ndarja e tyre.
Testi NIFTY rekomandohet të kryhet mundesisht tek te gjitha gratë shtatzëna, por sidomos tek kontigjenti i grave me rrezikshmëri të lartë për anomali genetike:
- Gratë me moshë mbi 30-vjeç, e sidomos ato që e kanë shtatzani të parë.
- Gratë që kanë pasur crregullime kromozomike tek femijët e mëparshëm ose që kanë histori familjare me keto lloj crregullimesh.
- Tek gratë që kanë realizuar triple-test ose double-test dhe kanë dalë me rrezikshmëri të lartë.
- Tek rastet kur dyshohet gjatë ekzaminimit ultrasonik në T21, T18 ose T13;
- Tek gratë shtatzëna ku kanë shtatzani të asistuar (IVF);
- Tek gratë të cilat kanë aborte spontane të përsëritura;
- Tek rastet kur nuk mund të kryhen procedurat invazive ose ka kontraindikacion siç është placenta previa, provokimi i abortit spontan, infeksioni me HBV.
Testi NIFTY rekomandohet të kryhet nga java e 10 e shtatzanisë deri në javën e 32-të por rëndësinë e ka deri në javën e 24-t. Dr. Kozeta tregon se saktësia e testit dhe siguria e tij është me tepër se 99%.
“Të them të vërtetën në disa raste ka rezultuar testi me risk të lartë sidomos për sindromin Down dhe është dashur të bëhet amniocenteza e cila është e përfshirë tek paketa e testit NIFTY dhe rimbursohet totalisht nga kompania, rezultatet kanë qenë 100 % të përputhshme me të.”
Në fund duam të theksojmë se numri i grave që e kryejnë testin NIFTY është në rritje, tani shumë prej tyre interesohen dhe e kryejnë testin prej fillimit të shtatzanisë.
Për më shumë informacion, si edhe për çmimet e testit NIFTY, vizitoni faqen niftytest.al, profilin në Instagram nifty_test_albania, llogarinë në Facebook Nifty test Albania dhe sigurisht mund të kontaktoni përfaqësuesit për Shqipërinë: +355686077644 dhe Kosovën për çdo pyetje që mund të keni.
Për të lënë një koment ju duhet të jeni regjistruar Identifikohu