Gjinekologia Aida Kumnova thotë se si profesioniste është përgjegjëse për mbarëvajtjen e një shtatzanie, por megjithatë nuk mund t’i vërejë të gjitha komplikimet apo çrregullimet e mundshme tek fetusi në barkun e nënës.
“Ne si gjinekologë jemi përgjegjës për mbarëvajtjen e një shtatzanie por është shumë e vështirë ose e pamundur të vërejmë problemet gjenetike dhe kromozomale të fetusit intrauterin”, është shprehur mjekja.
Prandaj Dr. Kumnova thotë se tashmë çiftet që presin të bëhen prindër, preferojnë të kryejnë Testin NIFTY, i cili është fare i thjeshtë dhe ofron rezultate të sakta për çrregullimet e mundshme kromozomale.
“NIFTY është test jo invaziv prenatal i cili i ofron pacientes të dhëna për gjendjen gjenetike dhe kromozomale të fetusit që prej javës së 10 të shtatzanisë. Testi është i shpejtë dhe shumë i thjeshtë, mjafton të merret gjaku venoz 10ml dhe pas 6-7 ditësh, rezultati është i gatshëm”, ka treguar gjinekologia Kumnova.
“Me ultratingujt profesional mund të vërejmë problemet morfologjike të fetusit kurse me NIFTY problemet kromozomale dhe gjenetike, dhe kështu plotësojmë një ndjekje të shtatzanisë, në mënyrë që të sigurohemi që fëmija të lindë i shëndetshëm”, ka shtuar ajo.
Kumnova thekson se Testi NIFTY është i preferuar për të gjitha moshat e grave pasi siç ka përmendur ajo, ka raste kur edhe nënat e moshave të reja si ato 18-vjeçare mund të kenë fëmijë me probleme gjenetike ose kromozomale, prandaj preferohet që testin ta bëjnë të gjitha nënat shtatzëna.
“Në punimet shkencore të J Hum Genet tregohet se fëmijët që kanë lindur me Sindromin Down, kanë lindur nga nëna, mosha mesatare e të cilave ka qenë 30.3 vjeç në momentin e lindjes, që do të thotë se është moshë e re dhe prandaj Testi NIFTY preferohet të bëhet edhe nga moshat e reja”.
Testi NIFTY zbulon trisomitë: Sindromin Down, Edwards, Patau; Aneuploditë kromozomale të kromozomit seksual si dhe Sindromet e Delecionit/duplikacionit.
Dr. Kumnova thekson se siguria e testit është mbi 99%.
Gjinekologia thotë se shumë nëna që janë të rrezikuara të lindin fëmijë me çrregullime kromozomale, preferojnë menjëherë realizimin e këtij testi, dhe jo kryerjen e amniocentezës e cila është metodë invazive, pra me rrezik për nënën dhe foshnjën.
Për më shumë informacion, si edhe për çmimet e testit NIFTY, vizitoni faqen niftytest.al, profilin në Instagram nifty_test_albania, llogarinë në Facebook Nifty test Albania dhe sigurisht mund të kontaktoni përfaqësuesit për Shqipërinë: +355686077644 dhe Kosovën për çdo pyetje që mund të keni.
Për të lënë një koment ju duhet të jeni regjistruar Identifikohu