Shumë njerëz nuk e kanë provuar kurrë artiçokën, por nuk duhet ta lini pamjen e saj të jashtme t’ju gënjej pasi brenda saj do të gjeni një lule të bukur dhe të pasur me lëndë ushqyese. Artiçoka është një nga bimët mjekësore më të vjetra në botë e cila është përdorur nga Romakët dhe Grekët e lashtë që në shekullin e katërt para Krishtit per të kuruar problemet me tretjen. Gjithashtu ka prova që tregojnë se artiçoka është përdorur në shekullin e 16-të për të kuruar sëmundjet e mëlçisë. Por vetëm në fundin e shekullit të 20 artiçoka u bë e njohur si një ushqim i shijshëm me përfitime të mëdha për shëndetin.

Ja disa nga përfitimet e konsumimit të artiçokës. 

1. Parandalon kancerin

Një studim i vitit 2012 në Itali zbuloi se konsumimi i artiçokës mund të ulë rrezikun e prekjes nga kanceri i gjirit. Zbulimi u mbështet gjithashtu nga Universiteti i Ilinoisit i cili arriti të izolonte enzimat e artiçokës të cilat arrinin të luftonin qelizat kancerogjene.

2. Përmirëson sistemin tretës

Siç u përmend dhe më sipër artiçoka që në lashtësi ka qenë e njohur për vetinë e saj të përmirësimit të tretjes.

3. Stabilizon presionin e gjakut.

Një studim i vitit 2009 zbuloi se lëngu nga gjethet e artiçokës ka vetinë të kurojë hipertensionin dhe të ndihmojë në mbajtjen e një presioni normal të gjakut.

4. Përmirëson shëndetin e mëlçisë

Artiçoka është e pasur me antioksidantë të cilët ndihmojnë në pastrimin e mëlçisë nga lëndët toksike. Gjithashtu artiçoka ndihmon dhe në rigjenerimin e indeve të mëlçisë. Kjo mendohet të jetë dhe arsyeja e përdorimit për qëllime mjekësore të artiçokës në shekullin e 16-të.

5. Ul nivelin e kolesterolit në gjak

Është provuar gjithashtu se artiçoka mund të ulë nivelin e kolesterolit në gjak, kjo bëhet e mundur për shkak të disa proteinave të veçanta të cilat ndihmojnë trupin ta nxjerrë jashtë kolisterolin e keq LDL.

Lexoni dhe :Konsumimi i kikirikëve zvogëlon rrezikun e alergjive
')}