Me siguri të gjithëve mund t’u këtë rënë në sy diçka e pandryshueshme në daljet publike të dukeshës Meghan Markle që pas lindjes së djalit të parë.

Pavarësisht kohës apo eventit, Meghan ka zgjedhur që kudo ku ka qenë prezente të paraqitet me floket e kapur topuz.

A e dini pse?

Ka një arsye estetike për këtë vendim të këshilluar nga kuratorja e saj e imazhit. Sipas saj, arsyeja përse dukesha ka zgjedhur këtë model është pikërisht për të mbrojtur flokët e saj.

Parukeria e Meghan shpjegon se gjatë shtatzanisë flokët nuk bien aspak, por pas lindjes për shkak të ndryshimit të nivelit hormonal, e gjithë rënia që duhet të kishte ndodhur për nëntë muaj, ndodh brenda një kohe shumë të shkurtër.

Për këtë arsye Meghan i kap flokët topuz në mënyrë që të shmangë produktet e rënda kozmetike, apo pajisjet me nxehtësi që mund të përkeqësonin më tej rënien apo dëmtimin e flokëve.

Kjo këshillë është e vlefshme dhe mund te aplikohet nga secila prej nesh.

Lexo edhe: Djali i Meghan Markle nuk është princ, ja çfarë titulli mban