Kanë kaluar shumë pak ditë që kur moderatorja Arbana Osmani është bërë nënë për herë të dytë dhe herë pas here është shfaqur aktive në rrjetet sociale, herë me dhuratat e bebit, herë me rikthimin në aktivitetet e përditshme etj. Ditën e sotme, ajo është kthyer pak pas në kohë, duke kujtuar momentet e fundit të shtatzanisë dhe të parat e jetës së vogëlushit të saj Diellit.

Me një foto nga salla dhe momenti i lindjes, ajo ka falënderuar mjekun që është kujdesur për të dyja shtatzanitë e saj, duke shprehur mirënjohje të thellë ndaj tij për kujdesin e treguar për dy gëzimet më të madha të jetës.

Në foton e radhës, ajo ka treguar momentin e pritjes për të hyrë në sallë dhe praktikisht selfien e fundit si një nënë në pritje.

Fotoja tjetër, shumë e dashur për të është takimi i Jonit me vëllain e vogël Diell, duke shtrënguar për herë të parë duart.