X

Kryesore

Apeli i mjekëve: Prindër mos anashkaloni datat e vizitave të fëmijëve

 

Datat e kontrolleve te pediatri nuk duhet të anashkalohen. Është një paralajmërim i mjekëve, të cilët në kohën e kulmit të gripit vënë re një mungesë vëmendjeje të prindërve ndaj vizitave të planifikuara.

Ato shpesh nënvlerësohen

Shpesh, prindërit nuk i japin këtyre datave rëndësinë e duhur, veçanërisht nëse fëmija është mirë dhe nuk ka probleme specifike. Megjithatë, datat e takimeve duhet të respektohen, sipas kohës së përcaktuar nga pediatri. Ato shërbejnë për të kontrolluar parametrat themelorë, të tillë si pesha dhe gjatësia, por edhe zhvillimin e aftësive relacionale dhe aftësive njohëse. Përveç kësaj, vizita te pediatri është programuar në mënyrë që të ndërpresë shfaqjen e mundshme të sëmundjeve në moshën në të cilën ato zakonisht ndodhin, duke sugjeruar sjelljet e duhura në aspektin e të ushqyerit dhe mënyrën e jetesës.

E rëndësishme për vaksinimin

Ato janë gjithashtu një mundësi për t’i bërë mjekut të gjitha pyetjet rreth rritjes dhe vaksinimit. Ato janë thelbësore për edukimin e prindërve për rregullat themelore të parandalimit. Në veçanti, hulumtimi i kryer nga shkencëtarët e një shoqate amerikane jofitimprurëse, thotë se fëmijët që humbasin më shumë se gjysmën e kontrolleve nga pediatri kanë dy herë më shumë gjasa të përfundojnë në spital. Studiuesit studiuan të dhëna nga mbi 20,000 fëmijë dhe zbuluan se 4% e fëmijëve që humbën vizitat e planifikuara kishin të paktën një shtrim: pneumonia dhe astma ishin shkaqet më të shpeshta.

Lexo edhe: Rritje e frikshme e rasteve te prekur nga fruthi, shkak mosvaksinimi

Comments

comments

Loading...
Me shume ne: Nje guide e pergjithshme
menyra e duhur e larjes se dhembeve, si ti pastroj dhembet ne menyren e duhur, filli dentar
Mënyra e duhur e larjes së dhëmbëve për rezultat perfekt

  Ekziston një radhë specifike që duhet ndjekur për të siguruar pastrimin e përsosur të dhëmbëve: së pari filli dentar...

Close