Tejkalimi i vaktit të parë të ditës është një fakt i përhapur tek të rinjtë e moshës 15 deri në 24 vjeç. Dy në dhjetë (18%), në fakt, preferojnë të mos konsumojnë asgjë sapo zgjohen, duke u ekspozuar ndaj pasojave të rënda për shëndetin dhe mirëqenien psiko-fizike. Këto janë rezultatet e një studimi të kryer nga Doxa.

Duhet karburant për të filluar përsëri

Në dritën e këtyre rezultateve, biologia e nutricionit Martina Donegani ka hartuar një manual për rëndësinë e mëngjesit për të gjithë, por veçanërisht për paraadoleshentët, adoleshentët dhe të rinjtë.

Ekspertja tërheq vëmendjen se trupi me të zgjuar ka nevojë për karburant, pasi pas një agjërimi të zgjatur nate, ai është bosh. Me ngrënien e mëngjesit rimbushet e gjithë energjia e konsumuar gjatë natës, në mënyrë që trupi ta përballojë ditën e re me efikasitet maksimal.

Nëse anashkalohet mëngjesi

Për ata që anashkalojnë mëngjesin do të ndodhin sa vijon:

– më pak aftësi për t’u përqendruar në shkollë;

– rezistencë më e keqe gjatë aktiviteteve sportive;

– një shtim i mesvakteve gjatë mëngjesit që do të çojë në të ngrënit më pak në drekë me pasojë një rreth vicioz që nxit një dietë të çrregullt, plot mesvakte, shpeshherë edhe të pashëndetshme.

Shembulli i mirë i prindërve është thelbësor

Sipas Doneganit, arsyeja pse adoleshentët e anashkalojnë mëngjesin më shumë se gjeneratat e tjera, është sepse ata shpeshherë janë të tjetërsuar nga realitetet virtuale, duke filluar nga rrjetet sociale. Dështimi për të kontaktuar realitetin mund t’i bëjë ata të lënë në hije kohën e dedikuar për plotësimin e nevojave personale dhe primare, siç është ushqimi.

Për këtë arsye është e nevojshme:

– të shpjegojë qysh në moshë të re se sa e rëndësishme është të hani mëngjes përpara se të shkoni në shkollë, kopsht apo universitet;

– jepni një shembull të mirë duke u ulur në tryezë me fëmijët tuaj përpara se të shkoni në punë për të ngrënë vaktin më të rëndësishëm të ditës me familjen tuaj.

Një shembull i një mëngjesi të shëndetshëm dhe të plotë:

Nutricionistja propozon:

– një gotë ujë sapo zgjoheni;

– një filxhan qumësht ose kos;

– një sanduiç me miell integral (50 g) ose 30 g biskota e 1 petull me një shtresë lajthie dhe kakao ose reçel dhe 3 arra. Ose 30 g muesli ose drithëra dhe një frut i freskët.

Në familjet ku prindërit hanë mëngjes, në 81% të rasteve edhe fëmijët konsumojnë vaktin e parë të ditës. Është rezultat i një kërkimi të kryer në vitin 2019 në kuadër të Observatorit Doxa-UnionFood.