Ish-moderatorja dhe themeluesja e “Ami Event” është përfshirë emocionalisht pas tronditjes që pësoi vendi ynë, nga tërmeti i dy netëve më parë ku të paktën 40 persona humbën jetën. Në një postim në rrjetin social, Instagram, Amarda Toska ndan momente nga pëcjellja në banesën e fundit të Dienës Karanxhaj, 30 vjeç dhe vajzës së saj, Diena, të cilat humbën jetën poshtë rrënojave të pallatit të dëmtuar nga tërmeti. Amarda shkruan se të afërm të saj kanë kërkuar ta varrosin me fustan nusërie, një kërkesë që ka prekur thellësisht Amardën.

“Shume herë kam derdhur lot gezimi dhe mallëngjimi kur kemi përcjellë vajza me fustane nusërie. Kurrë nuk ma merrte mendja qe mund të derdhja lot dhimbjeje si sot për të bukurat Diena dhe Esiela.
Në filialin tonë në Durrës erdhën disa kliente dhe bëne një kerkese rrëqethëse…
Dy fustane nusesh per dy vajza qe do i thone lamtumire te gjitheve ne diten e varrimit te tyre.
Ishin familjaret e Diena dhe Esiela Karanxhaj. 30 dhe 9 vjeç. Nëna dhe vajza që humbën jetën nga tërmeti.
Nuk mund ta imagjinoj dot si mund të ndihet babai i Dienës, i cili humbi vajzën, mbesën dhe akoma pret që të nxirret trupi i të shoqes nga rrënojat.
Fustanet e bardha sot ato nuk i veshin per tu bere nuse por per tu bere engjej qe do na shohin nga atje lart dhe kjo ma thyen zemren.

Zot jepu force te perballojne dhimbjen e madhe qe fati ua dhuroi!!! “, shkruan ajo në Instagram ndërsa ngushëllon familjarët e 40 viktimave të tjerë.