Foshnjat e lindura nga nënat që konsumuan alkool dhe duhan gjatë shtatzanisë kanë një rrezik të rritur 12 herë për Sids në krahasim me foshnjat të cilat nuk ishin të ekspozuara ndaj këtyre substancave gjatë shtatzanisë ose ishin të ekspozuara vetëm gjatë tremujorit të parë. Ky është rezultati i një studimi të mbështetur nga Institutet Kombëtare të Shëndetit (shërbimi shëndetësor amerikan) dhe botuar në EclinicalMedicine, revista online e grupit Lancet.

Efekt sinergjik

Studimi Nih tani shpjegon se si rreziku i vdekjes së papritur në gjumë ndikohet si nga koha – studiuesit zbuluan se fëmijët e nënave që përdorën alkool dhe duhan gjatë shtatzanisë kanë një rrezik të rritur 12 herë të SIDs në krahasim me fëmijët të cilët nuk ishin të ekspozuar në mitër ndaj këtyre substancave ose të cilat ishin ekspozuar vetëm gjatë tremujorit të parë – si nga sasia e ekspozimit prenatal ndaj duhanit dhe alkoolit, ashtu edhe nga kombinimi i dy substancave: rezultatet sugjerojnë që ekspozimet e kombinuara kanë një efekt sinergjik në rrezikun e Sids.

Studim në shkallë të gjerë

Hulumtimi u krye mes viteve 2007 dhe 2015 në dy zona banimi në Afrikën e Jugut, në Cape Toën dhe në pesë zona të Shteteve të Bashkuara të zgjedhura për përhapjen e lartë të vdekjeve foshnjore dhe gjithashtu përdorimit të alkoolit gjatë shtatzanisë.

Në mesin e afro 12 mijë shtatzënive të monitoruara, kanë ndodhur 28 raste të vdekjes së foshnjave dhe duke analizuar historinë klinike të nënave, doli që rreziku është dymbëdhjetë herë më i madh nëse gratë pinin alkool dhe duhan. “Ky është studimi i parë i mundshëm në shkallë të gjerë që synon të studiojë nga afër lidhjen midis ekspozimit prenatal ndaj alkoolit dhe duhanit dhe rrezikut të Sids – shpjegon autorja e parë Amy Elliott nga Qendra Shëndetësore Avera për Studime Pediatrike dhe Komunitare në Sioux Falls, Dakota e Jugut – dhe rezultatet tona sugjerojnë që ekspozimet e kombinuara ndaj alkoolit dhe duhanit shoqërohen me një rrezik thelbësisht më të lartë sesa ekspozimi ndaj vetëm njërit prej tyre.”

Studimi zbuloi gjithashtu se gjasat e vdekjes foshnjore rriten pesë herë nëse nënat pinë vetëm duhan pas tremujorit të parë dhe katër herë nëse ato pinë vetëm alkool.

Lexo edhe: Depresioni gjatë shtatzanisë rrit rrezikun për duhanpirje