Keni dëgjuar ndonjëherë për sindromën e fetusit të akoolizuar? Nëse ju duhet t’ju themi se shkaktohet nga konsumimi i alkoolit gjatë shtatëzanisë. Alkooli ka një efekt negative në zhvillimin e fetusit, dhe ky ndikim varet edhe nga sasia që nëna konsumon.

Çfarë problemesh ka fëmija i prekur nga sindroma e fetusit të alkoolizuar?

Gjatë shtatëzanisë vihet re një rritje jo e mirë e fetusit, dhe kryesisht vihen re probleme në zhvillimin e kafkës, e cila në këtë rast është më e vogël se zakonisht. Fëmija gjithashtu mund të shfaqë edhe anomali në strukturën e fytyrës, si edhe tek ai mund të vihen re edhe probleme kardiake apo ndonjë keqformim tjetër. Fëmija mund të paraqesë edhe vonesë në zhvillim, gjë e cila bëhet më e dukshme në periudhën që fëmija fillon të shkojë në shkollë.

Këto probleme mund të shfaqen vetëm tek gratë që e konsumojnë alkoolin në sasi të mëdha?

Fatkeqsisht jo! Këto probleme  mund të shfaqen edhe tek fëmijët, nënat e të cilëve kanë konsumuar alkool në sasi të moderuar. Duke qënë se nuk ekziston një limit i sasisë që tregon se ajo e dëmton ose jo fëmijën, këshillohet që alkooli të mos konsumohet absolutisht në shtatëzani.

Përfundimisht!

Sindroma e fetusit të alkoolizuar mund të parandalohet shumë thjesht, duke mos konsumuar aspak alok gjatë shtatëzanisë! Duke qënë se gruaja nuk mund të dijë me saktësi momentin kur do të fillojë shtatëzania, ajo nuk duhet të pijë aspak alkool që në momentin që mendon të sjellë në jetë një fëmijë!