Pavarësisht se Zoti nuk ia ka dhënë mundësinë fizike, ky baba e ka gjetur mënyrën si të ndihmojë bashkëshorten për të ushqyer vajzën me gji.

Aktori dhe producenti i njohur Dwayne “The Rock” Johnson po dëshmon edhe një herë se kur baballarët mbështesin partneren e tyre pas lindjes, e gjithë familja është më e fortë.

Në një postim të fundit të Instagram, ai i tregoi gjithë botës se do të mbështesë partneren e tij Lauren Hashian në ushqyerjen me gji, edhe nëse kjo do të thotë që të ushqehejë atë, ndërsa ajo i jep vajzës së vogël për të pirë. Pasi në fakt kjo është e vetmja ndihmë që ai mund t’i japë bashkëshortes, duke qenë se si mashkull e ka fizikisht të pamundur ta ndihmojë ndryshe me gjidhënien.

Kjo nuk është hera e parë që Rock ka treguar se ai është një baba ideal për tu marrë shembull.

Ai ka përlotur shumë ndjekës edhe me një postim që bëri në rrjetet sociale në muajin prill kur lindi vajza e tyre Tia.

“Nëna @laurenhashianofficial lindi dhe solli në jetë një rockstare të vërtetë,” shkroi Rock. “Unë kam qenë i rrethuar nga gra të forta dhe të dashura gjatë gjithë jetës time, por pasi kam marrë pjesë në lindjen e Tias, është e vështirë të shpreh nivelin e ri të dashurisë, respektit dhe admirimit që kam për @laurenhashianofficial dhe të gjitha nënat dhe gratë në botë”.

Ndërsa fotoja e tij ku shfaqej pa bluzë e mbante vajzën pranë lëkurës së tij, mori edhe komente negative, por babai krenar e përdori atë si një mundësi për t’i treguar botës rëndësinë e madhe të kontaktit me lëkurën e bebes.

Rock e di se ka shumë studime që theksojnë rëndësinë e kontaktit të lëkurës dhe postimi i tij i fundit tregon se ai është i vetëdisëm edhe për shumë studime të tjera. Është vërtetuar se mbështetja e partnerit, e inkurajon nënën të ushqejë me gji të posralindurin dhe ta vazhdojë kktë proces edhe nëse has vështirësi.

Sipas hulumtuesve, “mbështetja emocionale, praktike dhe fizike e partnerit është faktor i rëndësishëm për të promovuar ushqyerjen me gji të suksesshme dhe për të pasuruar përvojën e nënës dhe më pas të babait”.

Një nga sfidat me të cilën përballen partnerët është ushqyerja me gji, spese bashkëshorti e ka të pamundur të ndihmojë nënë e re fizikisht. Vetëm ajo e ka këtë aftësi për të ushqyer fëmijën. Por, ka shumë mënyra që mund të gjejë bashkëshorti për të mbështetur nënën dhe për ta bërë të ndihet mirë. Aktori i njohur tregoi një prej tyre.

Rock mund të mos jetë në gjendje të ushqejë vajzën me gji, por ai është në të vërtetë mbështetësi më i madh i Hashian.

 

 

Lexo edhe: Dicka qe duhet ta beje cdo cift, por qe rralle ndodh

Sorry, there are no polls available at the moment.

')}