Shpesh shohim trende të mirëqenies fizike në internet, të cilat ndonjëherë përmbajnë praktika të çuditshme madje edhe të rrezikshme. I tillë është “agjërimi i thatë”, i cili së fundmi po fiton shumë popullaritet.

Influenterja austriake Sophie Prana, e cila ka 2.350 abonentë në YouTube (dhe 18.700 ndjekës në Instagram), ndau një video të dietës së saj të agjërimit të thatë, pa ujë, në të cilën ajo përshkruan praktikën si “zgjedhjen më të mirë për trupin (dhe) mjedisin”.

“Unë ndalova së piri ujë 1 vit më parë,” shpjegon Prana, para se të zhytej në arsyetimin e saj “shkencor”. Prana vazhdon të shpjegojë se muskuli në trupin tuaj “përbëhet nga 99 për qind molekula uji” (jo i saktë: muskujt në të vërtetë përbëhen nga 79% ujë) dhe se uji në qelizat tuaja nuk është “ujë i rregullt , por ujë shumë i strukturuar me veti të veçanta”.

Ajo i referohet këtij “uji shumë të strukturuar” si faza e katërt e ujit – jo H2O, por H3O2 – si “ujë i gjallë”. Prania vazhdon ta shpjegojë H3O2 si “më shumë viskoz, i dendur dhe alkalin sesa uji i rregullt; ka një ngarkesë negative, dhe mund të mbajë energji si një bateri, dhe të japë energji gjithashtu, “e cila mund të jetë” e rëndësishme për shëndetin optimal”.

Në vend që të pini ujë të vërtetë, Prana thotë të merrni lëngje në mënyra të tjera. “Unë i hidratoj qelizat e mia nga lëngjet që marr marr nga frutat, perimet dhe arrat e kokosit, forma më e pastër e H3O2”, tha ajo. Që atëherë Prana thotë se “ënjtja ekstreme në lëkurën dhe nyjet e saj është larguar”, sipas Daily Mail.

Sigurisht, Prana nuk është e vetmja ndikuese e agjërimit të thatë. Alice Copilet, e cila e quan veten “specialiste të agjërimit dhe detoksit”, gjithashtu krenohet me përfitimet e praktikës së kufizimit të ujit, duke pretenduar se mund të ndihmojë në pastrimin e problemeve të lëkurës si “puçrrat, ekzemat, cistet, alergjitë, skuqjet dhe psoriasis”. Ajo madje pretendon se praktika është “çelësi për të ndryshuar sëmundjet e lëkurës”.

Prisni … a është agjërimi i thatë me të vërtetë një gjë për t’u marrë në konsideratë? Dhe a është i shëndetshëm?

Për fat të keq, agjërimi i thatë është një trend – jo domosdoshmërisht i shëndetshëm. “Ndërsa ka disa variacione, agjërimi i thatë në thelb përfshin marrjen e lëngjeve pa pirë ujë, duke u mbështetur në ujin që merrni vetëm nga ushqimi, kryesisht frutat dhe perimet e freskëta,” thotë Jackie Newgent nutricionist.

Ndërsa është e vërtetë që ushqimet e pasura me ujë (frutat, perimet, supat, lëngjet) mund të kontribuojnë në hidratim, ekspertët theksojnë se do të ishte e vështirë të përftosh të gjithë lëngun që i nevojitet trupit tonë në këtë mënyrë. Sipas Akademisë Mjekësore Inxhinierike të Akademive Kombëtare, gratë mbi moshën 19 vjeç kanë nevojë për 2.7 litra lëng total në ditë — mbi 11 gota — ndërsa burrat kanë nevojë për 3.7 litra, ose më shumë se 15 gota. “Rreth 20% e lëngjeve tona vijnë zakonisht nga ushqimi, por kemi ende më shumë nevojë, duke mos përfshirë nevoja shtesë për shkak të ushtrimit apo sforcimit fizik”.

Kur e privoni veten nga uji, “ju stresoni në mënyrë të panevojshme trupin dhe e shtyni atë deri në kufijtë e tij,” thotë Sass. Kjo për shkak se trupi përdor ujin për të ndihmuar tretjen dhe qarkullimin e shëndetshëm dhe ndihmon për rregullimin e temperaturës së trupit, eliminimin e mbeturinave, lubrifikimin e nyjeve, mbështetjen e funksionit të organeve, mbrojtjen e organeve dhe indeve, thotë Sass.

Për më tepër, “vetëm një humbje prej 2% e lëngut të trupit mund të ndikojë negativisht në performancën fizike, dhe një humbje 1-3% është treguar se dëmton gjendjen shpirtërore, zvogëlon përqendrimin, shton dhimbjet e kokës, dëmton kujtesën e punës si dhe rrit ankthin e lodhjen”,- shton ajo.

Dhe sa i përket pretendimeve për ndikimin e agjërimit të thatë në problemet e lëkurës, ekspertët shpjegojnë se në të vërtetë nuk ka asnjë ndikim.

Përveç që nuk ndihmon proceset e trupit, agjërimi i thatë gjithashtu mund të jetë i rrezikshëm, thotë Newgent. “Nëse nuk jeni hidratuar siç duhet, kjo mund të rrisë rrezikun tuaj për zhvillimin e gurëve në veshka dhe infeksione të traktit urinar”, thotë ajo.

Newgent shton se, për disa njerëz, agjërimi i thatë mund të jetë gjithashtu kërcënues për jetën, për shkak të komplikimeve nga dehidratimi.

Si për çdo lloj agjërimi, është e rëndësishme të jeni skeptikë dhe të merrni së pari mendimin e ekspertit, thotë Newgent — por agjërimi i thatë në veçanti mund të jetë “i rrezikshëm” dhe duhet të shmanget absolutisht.

Lexo edhe: Rreziku i dehidratimit shumë i lartë edhe kur është ftohtë