Nuk ka prova shkencore për të vërtetuar se stresi mund të shkaktojë abort.

Është e natyrshme të ndiheni të stresuara në kohën kur jeni shtatzënë. Kjo është veçanërisht e vërtetë në ditët e para ndërsa ju përshtateni me lajmin se do të bëheni nënë. Përballimi i të vjellave dhe kërkesat e shumta të jetës së përditshme mund të shtojnë stresin gjithashtu.

Edhe nëse ndiheni e stresuar, kjo nuk ka gjasa të dëmtojë fëmijën tuaj. Mos harroni se trupat tanë janë të krijuara për t’u përballur me stresin, kështu që nuk ka nevojë të shqetësoheni nëse gjërat do t’ju duken të vështira herë pas here. Megjithatë, ka kuptim që të përpiqeni të minimizoni çdo presion.

Si mund të përballoj stresin e marrëdhënieve ndërkohë që jam shtatzënë?

Duke folur për ankthet tuaja mund t’ju ndihmojë t’i mbani ato nën kontroll, prandaj ndani shqetësimet që mund të keni me partnerin tuaj, ose një të afërm.

Mos harroni se partneri gjithashtu mund të ketë stres nga lajmi që do të bëhet prind.

Nëse nuk dëshironi të flisni me asnjë nga rrethi juaj, mund të hapeni me mjekun që ju ndjek.

Si mund të përballoj stresin në punë gjatë kohës që jam shtatzënë?

Nëse puna po ju shkakton shumë stres, bisedoni me punëdhënësin për ngarkesën tuaj. Varësisht se ku punoni, menaxheri juaj mund të jetë i përgatitur t’ju lejojë të arrini dhe të largoheni më vonë për të shmangur orën e krizës, ose për të bërë një ditë në javë në shtëpi ndërsa shtatzënia juaj përparon.

Nëse kushtet e punës suaj përfshijnë rreziqe potenciale punëdhënësi juaj është i detyruar të ofrojë një vlerësim të rrezikut. Kjo mund të rezultojë në më shumë fleksibilitet rreth rolit tuaj të punës dhe orëve të punës, për të siguruar mirëqenien tuaj.

Edhe pse stresi nuk është i lidhur me abortin, nivelet e vazhdueshme, shumë të larta të stresit mund të shkaktojnë probleme për fëmijën tuaj. Për fat të mirë, kjo prek shumë pak gra. Por është një arsye e madhe për të kërkuar ndihmë sa më shpejt.

Lexo edhe: Stresi gjate shtatzanise mund te shkaktoje autizem