Në përgjithësi jo, organi gjential i gruas është shumë elastik, dhe pasi shërohen prerjet e lindjes, çdo gjë kthehet si më parë. Rikuperimi i plotë mund të kërkojë disa javë, gjithçka varet nga prerja që gruaja ka marrë në zonën vaginale si edhe nga aftësia e saj për të rikuperuar.

Ushtrimet që mund të shërbejnë

Në disa raste mund të ndodhë që gjatë lindjes të dëmtohen muskujt e zonës midis anusit dhe vaginës. Kjo mund të shkaktojë dhimbje gjatë marrëdhënieve seksuale. Për të kthyer gjithçka në normalitet mund të kryhen disa ushtrime të cilat tonifikojnë muskujt në fjalë.

• Mos ngrini pesha të rënda. Nëse keni nevojë të kolliteni shtërngohuni fort në pjesën intime sikur të jeni duke mbajtur urinën.
• Gjatë urinimit në mëngjes, bëni ndërprerje të shpeshta të urinës për disa sekonda.
• Gjatë ditës krijoni disa kontraksione të vullnetshme. Ato mund të bëhen në intervalin: 10 kontraksione çdo 5 sekonda duke pasur me 10 sekonda pushim.

Është e rëndësishme që muskujt e kësaj zone të rikuperojnë pasi kjo do të sigurojë një funksionim të mirë të urinimit, defekimit dhe nxjerrjes së gazrave. Ushtrimet e mësipërme mund t’i praktikoni edhe gjatë shtatëzanisë, gjë e cila do të shërbejë për të relaksuar muskujt.

Lexoni dhe: Djegiet intime, shkaqet dhe trajtimi