Mishi i kuq, të hamë a të mos e hamë? Disa thonë se duhet të shmangim përdorimin e mishit të kuq sepse është i pasur me yndyrnë dhe kalori. Por a është gjithnjë e nevojshme ta zëvendësojmë mishin e kuq me ushqime të tjera?
Le të bëjmë një përmbledhje të pretendimeve që lidhin mishin e kuq me shtimin në peshë. Mishi i kuq në të cilin përfshihet mishi i viçit, ai i derrit, dhe çdo lloj mishi që vjen nga gjitarët.
Disa studime kanë zbuluar se ka një lidhje mes konsumimit të mishit të kuq dhe obezitetit. Në një studim kërkimet treguan se të rriturit që konsumonin më shumë mish kishin një rritje domëthenëse të numrit të kalorive ditore në krahasim me ata që nuk konsumonin mish, duke pasur kështu një rrezik më të lartë për obezitet. Një grup tjetër studjuesish dolën me rezultate pothuajse të njejta , ku zbuluan se sa më shumë mish të kosumonin pacientët aq më shumë rritej pesha e tyre. Dhe në fund një studim kinez që zbuloi se konsumi i një sasie të madhe mishi shoqerohej me rritjen e peshës trupore. Por të njëjtat studime që zbuluan se mishi i kuq është i lidhur me shtimin në peshë, zbuluan edhe faktin që përveç mishit këta persona konsumonin një sasi të madhe kalorish nga ushqime të tjera. Pra konsumi i tepërt i kalorive shkakton shtimin e peshës dhe jo thjesht konsumimi i mishit të kuq. Eshtë e rëndësishme të jeni të kujdesshëm me konsumin e mishit të kuq për të shmangur tejkalimin e sasisë së kalorive të nevojshme. Gjithmonë tregoni kujdes me sasinë e porcioneve dhe shoqëroheni mishin me ushqime të lehta.

')}